星期日諗唔到去邊就醒起好耐之前有網友推薦呢個金巴利酒店話裝修唔差,但係7pm前去先抵d $290/3個鐘。咁星期日放假就一於去試下啦。 地點係香檳大廈,搭lift 上去見到應該全層都係佢既,感覺唔太似係時鐘,似係d 比自由行住既賓館咁。去到個時阿姐執緊房,坐左一陣就入得去喇。房入面既裝修都差唔錯,感覺都幾warm, 同有d 設計咁,但其實都係有dd 舊,牆身有d 花,燈位又有d 塵咁。但其實唔太影響既。 電視都算幾大,但唔知點解冇高清睇,唔知係我地唔識禁,定真係冇🤔,動作片都欠奉。 廁所都正常,淋浴間都叫夠兩個人企。張床都唔錯,冷氣都夠涼。 夠鐘個時都冇收到電話催鐘,走個時見到姐姐執緊房(可能太忙冇催)。 整體係ok既,但要7pm 前先係$290/3個鐘,師傅覺得7點後就有dd 貴。但如果去得太多百x 覺得悶,都可以黎下呢到既👀 房內冇樽裝水送,但有一個杜記dom, 亦有抽取式紙巾提供。 酒店名稱:金巴利酒店 地址:尖沙咀金巴利道18號香檳大廈1字樓 入住日期:8 Jul 2018 (Sun) 房價:$290/3hrs 房型:/ 訂房方法:Walk-in
0 Comments
7月頭見有兩日紅假,同大王北上飲飲食食,順便過一晚。對上一次返深圳book到間可以2pm check out, 覺得幾好,所以今次又搵返d可以2pm check out 既~ 今次book 左華強路既趣創酒店,係地鐵站行出黎5分鐘左右就可以去到酒店,不過佢就係係民居既中間,但趣創既外牆好colourful, 所以都好易搵。 2點幾去到check in, 唔洗按金就上得房,入到房裝修都幾新,唔係好grand 個種酒店設計,但係係幾'清新'既。張床都幾大幾舒服,張被又好夠大,唔會爭被,枕頭都舒服。冷氣夠涼,電視都大,再加上佢本身已經裝左有個唔知咩盒子,入面有d 戲可以免費睇,幾好幾好!雖然就冇衣櫃雪櫃,但係熱水煲,廁紙,紙巾都有,亦有兩枝免費樽裝水。拖鞋呢就得一對即棄,兩對重用既。洗漱用品都有提供,淋浴間都夠兩個人,熱水亦夠用。房入面呢就幾滿意!不過酒店出面既民居呀,d 路呀,就係有dd溶溶爛爛咁,叫有d 對比,但其實影響不大既。 酒店附近都有食肆,行過幾條街都好多野食,但如果你要食而家好hit 個d 呢,就要搭返地鐵去商場搵食喇。 整體黎講係滿意既,紅日假期咁既價錢,可以玩足24個鐘,師傅收貨呀! 酒店名稱:深圳趣創酒店 地址:南園街道華強南3034賽格苑1棟 入住日期:1 Jul 2018 (Sun) 房價:$339.73 房型:經濟房 訂房方法:Hotelscombined -> trip.com 訂房日期:4 Jun 今次去左旺角簡悅,短時間內第二次去簡悅,並唔係師傅收左錢代言,而係佢真係比較平🤔 係hotelscombined tick 3星以上,由價錢低至高咁sort, 就出左旺角簡悅,所以一於再去試下。 去到教發現原來呢個位置係之前一間叫pop hotel, 估計又係簡悅收購左佢🤔🤔 去到check in, 唔洗按金就上得房,雖然都係叫簡悅,但房入面既裝修風格同上次去銅鑼灣個間完全唔同,呢間就舊小小,但間房就相對大dd, 一般酒店既設施,雪櫃,夾萬,書枱,佢都有提供到既。廁所淋浴位都叫夠兩個人既。電視就舊款d, 雖然有usb port 位,但就播唔到片💁🏻。冷氣,床舖都正常,係房真係舊d, 見個夾萬上面好似有d 塵咁。 位置黎講都算方便架,行過一兩條街就朗豪坊,附近都叫有d野食下。不過呢,又係同d 搵食姐姐好近,所以最好就唔好夜麻麻自己一個行喇。 性價比真係算唔錯,但電視冇得睇usb, 師傅下次都係再去第到👻 房內有兩枝細水,亦有抽取式紙巾。 酒店名稱:簡悅酒店(香港旺角店)(Minimal Hotel Bazaar) 地址:旺角廣東道950號 入住日期:24 Jun 2018 (Sun) 房價:$248 房型:高級雙人間 訂房方法:Hotelscombined -> trip.com 訂房日期:20 Jun 好耐之前去異風情既時候,經過見到呢間陶庭, 門口寫住不設時鐘。個時都已經好好奇,但見d 訂房app book 一晚都過千銀,真係唔會捨得。最近見funnow 竟然有得時鐘咁book 就決定去試下👀🤔。 佢三個鐘要$570, 以九龍塘漫春天,異風情個d 都要$500啦,咁用埋個95折code (district2openroom) 都係$540, 價錢差不多🤔可以一探佢既神秘面紗! 去到陶庭check in 要比低$500按金,之後就自己上房。一入到房真係幾大!但師傅再望望下,發現原來佢同異風情個d 係同一間管理公司😹,裝修風格都幾相似,只不過係呢到原本唔做時鐘咁。 咁不嬲呢個集團都唔差,間房好大,裝修幾靚,張床又大,電腦都幾好,係好似冇動作片睇,廁所入面有按摩浴缸同蒸氣淋浴間。夠鐘就自己走,冇催鐘,不過你有$500按金係佢到嘛。講真師傅覺得冇乜好挑剔架喇,價錢雖然貴隔離小小,但好處係book 左先就保證有房,唔洗等。同埋如果佢本身唔做時鐘,師傅幻想呢到會乾淨d 掛🤔 起碼turnover rate 冇咁高丫。位置都非常近火車站,所以真係唔錯呀~ 房內有dom, 一枝大水送,亦有抽取式紙巾。 (新註冊funnow, 訂購日間。小休房間,活動折扣代碼輸入district2openroom, 即享95折優。記得用個code 可以平返小小呀!) 酒店名稱:陶庭酒店 地址:九龍塘羅福道10號 入住日期:21 Jun 2018 (18:00-21:00) 房價:$570 / 3hrs (新註冊funnow, 訂購日間。小休房間,活動折扣代碼輸入district2openroom, 即享95折優惠) 房型:豪華大床房 訂房方法:FunNow 訂房日期:18 Jun 端午節紅日同大王出出下行街先興起不如都係搵地方抖下,即刻開app睇下有咩地方平,見到呢個銅鑼灣簡悅先$213, 真係好平!所以就即刻book左,爬龍舟過海!(幻想) 間酒店係銅鑼灣同灣仔中間,如果係紅磡搭過海巴士就非常近,行到去酒店附近先發現呢間之前都有睇過下,🤔 但個時好似係叫隆堡雅逸,唔知係咪比人收購左🤔。 入到大堂check in, 好多行李係lobby, 但好快趣就上得房,唔洗按金。不過間房應該係個日既最後一間,職員話得返兩張單人床。算啦,咁平,都冇辦法😗。 上到房,嗯,果然係好細,佢係連個洗手盆都係埋間房個到,不過細還細,都真係叫酒店既裝修既。有齊雪櫃,衣櫃個d. 冷氣夠涼,電視都算唔錯。浴室就冇乾濕分離,不過都叫夠位兩個人既。不過張床就無辦法拍埋一齊。好在師傅夠窈窕,惟有兩個親密d, 攬住訓啦。 酒店附近都多野食,生活機能算方便,咁既價錢,睇埋世界盃算唔錯啦~ 房內有抽取式紙巾,兩枝細水。 酒店名稱:簡悅酒店(香港銅鑼灣店)(Minimal Hotel Urban) 地址:灣仔摩理臣山道11號 入住日期:18 Jun 2018 (Mon) 房價:$213.34 房型:標準客房 訂房方法:Hotelscombined -> trip.com 訂房日期:18 Jun |
Author:
|