今日新十五,祝大家元宵節快樂👫 早排睇新X期,見到帝景有做自助餐住宿套票 $888, 有一晚山景房加兩位自助晚餐,覺得好似都幾平咁,就決定去試下! 帝景要係荃灣再轉van仔入去,去到check in 話升級左海景房,可能係平日,d房唔爆啦🤔。入到房覺得都算唔錯既,床都大,d 裝修都係酒店級別啦。不過個窗望出去得小小橋景同海景,但好過冇啦😛。廁所就唔係特別大,兩個人一齊沖涼,都尚叫夠位既。不過個電視呢,唔知點解睇唔到高清台... 但明明佢有寫有81, 99台個d... 但禁極都唔識禁🌚 算啦,諗住拉個電視出黎插usb自己睇戲,點知個電視係冇usb 位的... 夜晚就落去餐廳食buffet, 食物種類好小... 感覺上小過之前去麗豪食個早餐buffet😂。但都有食飽,同埋d 野食又未至於難食既。 整體黎講今次體驗算ok 啦... 雖然d 野食麻麻同個電視冇usb 位。但酒店既位置僻d, 好似去左渡假咁,個橋景同海景其實都幾靚既。走個時仲有免費shuttle 搭返出荃灣地鐵站,不過不失啦👀 酒店名稱:帝景酒店 Royal View Hotel 地址:荃灣青山公路353號 入住日期:28 Feb 2018 (Wed) 房價:$888 (一晚酒店連雙人自助晚餐) 房型:山景房 (check in時免費升級海景房) 訂房方法:帝景酒店官網
0 Comments
而家下載FunNow, 註冊後預訂日間小休房間,活動折扣輸入district2openroom, 即享95折!優惠期至另行通知😁 除左尋日既半價體驗活動之外,FunNow仲提供左一個95折既折扣碼比我地區區開房既粉絲👀 所以師傅又再試一次個code work 唔work 喇! 其實之前book房上開hotelscombined 睇,都有見過呢間Pandora After 80s Hostel, 但見親佢都係碌架床位多,今次見到佢地同FunNow有合作做3個鐘既雙人房,$199 三個鐘個價好似唔錯,所以決定去試下! 不過其實都係當日下晝先決定去,所以5點零開app book。book完之後會有個兌換碼比你,呢一間呢就咁拎住個兌換碼就可以去check in 喇。 我地book 左1930-2230, 行到去大廈個到都係要跟住d 人先入到去大廈,之後搭lift 上11樓check in. 一入去check in 個個位呢,其實就係呢間hostel 既common area, 會見到有d 外國人/旅客 坐係到做自己野,真係有d 似外國d hostel😯。同前檯個個人講,我地係經FunNow 訂,show 個兌換碼比佢,就比鎖匙我地去另一層,自己入房喇。 入到房,真係要預係d 旅館既質素,都係d 比較細d 既房。廁所好細個種,兩個人一齊沖涼會超迫。床呢,就係兩張單人床拍埋一齊,不過訓係中間又唔多覺有條喇既。電視就唔大唔細咁啦。拉開窗簾見到出面既海景,不過個窗就有d濛。另外佢比既毛巾呢都真係好屋企既感覺,好似用洗衣機洗左好多次咁,大家要沖涼既話,最好自備毛巾喇。而床單呢都有d 漬咁,唔係話冇洗既,而係個種用左好耐,有d 千年污漬咁。另外房內冇抽取式紙巾,冇樽裝水,不過有廁紙,毛巾,沖涼液洗頭水。 呢到又係冇催房或者催鐘呀,夠鐘就自己去返reception 到交鎖匙。最好入房前較定鬧鐘,咁就唔怕訓過籠😜 今次既訂房流程都順暢,大家有興趣既話可以試下佢地其他酒店👀。 用app book定房,就唔洗怕去到要等房,或者冇位咁,明碼實價唔怕比人湯。 仲有大家男女,男男,女女,想搵地方休息都唔會有咩問題。 大家睇下有冇啱用啦,雖然95折好似唔係好多,但慳得一蚊得一蚊嘛😁 酒店名稱:八零後之潘多拉青年旅舍 (Pandora After 80s Hostel) 地址:銅鑼灣告士打道275號海都大廈11樓F室 入住日期:7 Feb 2018 (Wed) [1930-2230] 房價:-$199-/3hr (FunNow app中活動折扣碼輸入district2openroom, 有95折!) $190/3hr 房型:雙人房 訂房方法:FunNow 訂房日期:7 Feb [~1700] 台灣最大既休閒娛樂預訂app - FunNow 登錄香港喇!呢個app 可以預訂附近既日間住宿、last min 酒店優惠、酒吧、按摩、室內遊戲等等。而家係香港試營運,誠徵神秘顧客五折體驗「日間休息」、「晚鳥酒店住宿」,淨係比我地區區開房既粉絲架咋!名額共十名,享受高品質既開房體驗,快d 報名參加啦! 酒店選擇有Park Lane 5星酒店,Madera HollyWood, Pandora, SLEEP, 雲吞麵等等,陸續增加中。 參加辦法: 有興趣既朋友填寫問卷 (問卷按我),截止後FunNow會抽出十位朋友。Email通知中獎,send個5折體驗碼比得獎者。 完成酒店體驗後,要回報返訂房流程,酒店體驗既感想。另外係fb/ig介紹返FunNow呢個新既休閒娛樂預訂app比自己朋友,咁就完成晒呢個活動架喇! - 報名時間:即日至12/2 中午十二點 - 體驗時間:13/2-25/2 - 名額:限量10位 -> 5折日間休息:8名|5折夜間住宿:2名 得獎公佈時間:2/12 20:00 區區開房ig公佈,個別得獎者亦會電郵通知。 而家去app store, play store, search FunNow 就會搵到佢地個app架喇。 難得有5折機會,仲唔快d參加?有問題就inbox師傅啦! 最近有個新app - FunNow, 有得book各種吃喝玩樂既體驗,仲有得book日間小休酒店,酒店過夜服務。同佢地合作時酒店呢,好似都係d高級d, 靚d既酒店。最好既就係佢有得即時book,個app可以根據你身處既地方sort out最近你既酒店。 今次佢地就搵左師傅同大王試下呢個app, 同埋試左其中一間酒店既服務喇。 既然有呢次半價既機會,師傅梗係試下間5星級酒店啦!雖然話有得book 即時,但師傅比較鐘意有規劃d, 所以就早幾日book定喇。download 左FunNow個app, 簡單註冊之後,係app入面揀想去既酒店,日期同時間,之後就用信卡比埋錢,就可以等去酒店喇。 一去到間酒店,行入大堂,就覺得,嘩!五星級真係五星級,大堂既裝修好morden, 好有氣派。 Check in 既時候除左比身份證,仲要show一show app比左個預訂號你,再用信用卡碌$500按金,就可以上房喇。 入到房,真係覺得係高級酒店,一入玄關位就有衣櫃,茶水間。衣櫃入面有平時好小見既浴袍同熨斗。廁所都幾大,仲有浴缸,同埋d沖涼用品,針線包個d都好靚好精緻。 再行入去呢,電視同床都大,仲有辦公枱。個景雖然係街景,但係銅鑼灣鬧市,你可以係間咁靚既房入面望出去都幾正,人地好忙,你就好嘆! 五星級酒店又有浴缸,又有浴袍,個感覺真係覺得自己係到嘆世界咁。沖完涼上床訓下,張床真係好舒服,師傅同大王都訓到傻左。 今次真係一個幾高級既享受,不過呢間房個窗又係好似可以係出面望到入面,所以如果大家要做d私人d既事,記得拉窗簾。 同埋始終係銅鑼灣鬧市,係房入面會聽到小小出面街既聲,但師傅又覺得唔影響訓教既🤔 房門既隔音都好似爭小小,不過當然冇聽到d 咩怪聲啦😛。 同大王訓完呢五個鐘,7:00pm check out 再去食晚飯啱啱好呀👍🏻 房內有兩枝大水送,另外佢地唔會有催鐘或者催房。所以最好就自己較定鬧鐘先,廢事玩到唔知時間。 *今次既5折體驗唔係淨係我地有得試架,你地都有機會參與,詳情睇呢到😛😝 酒店名稱:香港柏寧酒店 The Park Lane Hong Kong 地址:銅鑼灣告士打道310號 入住日期:4 Feb 2018 (Sun) 房價:-$880- / 5hr [可選9:00-17:00 內5小時] (秘密客體驗價$440) 房型:標準房 訂房方法:FunNow 訂房日期:31 Jan 區區開房終於係沙田插旗喇!其實沙田真係好似唔多覺有時鐘,今次就去左沙田麗豪呀。傳聞都好多人話沙田麗豪係for情侶開房,但師傅之前都有keep住望,始終覺得房價有dd 高。今次book呢個高級房,加埋一先$605咋!話說1月23收到Regal Hotel 既promo email, 話有快閃特價,入去睇見到星期六既沙田麗豪都係$605, 所以就book 黎試試喇~ (上次去左土瓜灣iclub, check in 時,個職員叫我登記做member) 沙田麗豪係城門河隔離,距離沙田站有20分鐘路程,佢提供既shuttle bus 班次好疏,所以除左搭巴士/小巴,都係散步行過去啦。 check in 個時仲無啦啦送左個mouse pad. 之後就上樓入房,雖然個景淨係望到小小個河,但間房好大,裝修好光猛!張床好大!電視都大!一切都好好,乾淨、光猛、整齊。房內有暖爐,仲有兩枝細水送。 到夜晚食飯,間酒店都附屬有好多餐廳既,但其實行出酒店,係河畔花園個到都有d 餐廳,叫有d 選擇🙆🏻。 除左間房幾好之外,原來呢個價仲包埋自助早餐!訓醒就落去食早餐,食物選擇好多!保守估計有三、四十樣野食 (感覺😌因為冇仔細數,haha). 野食就唔逐樣講喇,我地呢到集中講房👼🏻。早餐就好難話超好食,好好食咁,但整體黎講係ok既,正常味道,食得飽飽。 另外提提大家,如果係房要做d 私人野呢,就記得要拉窗簾!因為師傅發現呢到係可以望到對面房入面既人做緊咩😯。 $605 有間咁大既房,裝修又唔錯,有咁多野食既自助早餐包埋!仲要係星期六黎,好滿意呀!👍🏻 (book 個時開hotelscombined 睇,同房型未加一已經要$1033 😛😛) 酒店名稱:麗豪酒店 Regal Riverside Hotel 地址:沙田大涌橋路34-36號 入住日期:3 Feb 2018 (Sat) 房價:$605 房型:Premier Room 訂房方法:RegalHotel Promotion email link 訂房日期:24 Jan |
Author:
|