今次同大王睇下有咩好去處既時候,見到普遍可接受既都要around $280, 見到呢間加埋一,都係$301, 大王就話呢間啦,話晒都係正規酒店。點知師傅我禁禁下,突然見到個app有唔知咩優惠,去到比錢個時,有得再減下,最後$240咋!真係好抵呀! 去到間野,就真係正規d 既酒店啦,之前係app request 左要high floor,真係比左頂樓我地住。不過呢個座落市區入面既酒店,都冇咩景好睇架喇,都係隔離d樓,同街景咁。 房就,都係細dd 啦,沖涼位比較細,好難兩個人一齊沖,張床都大,電視個size叫ok, 但比較舊,又好多台都追唔到,連usb 插頭都冇。 其實間野感覺就係正式d 既酒店囉,附近都叫多野食,地點又算方便,咁既價錢,住到三星,收貨啦! 酒店名稱:東方泛達酒店 Oriental Lander Hotel 地址:太子塘尾道206號 入住日期:26 Mar 2017 (Sun) 房價:HKD $301.49 (Agoda app discount 後 $239.36) 房型:Double 訂房方法:Agoda App 訂房日期:24 Mar
0 Comments
有人問我同大王係咪小左去happy🙈,其實唔係呀,有時我地平日去返之前去過d 時鐘,咁就冇再post出黎。 今次又係去左佐敦,一間叫意樂館既野。真係好平$205, 平過百佳兩個鐘呀!佢呢間就話有self check-in /out, 自己入到去,攞返自己張房卡就得,好方便,又唔尷尬,不過我諗就係要事先book定囉(如果即日book,可能會放唔切卡🤔?) 入到房,同想像差唔多,張床都幾大,不過個廁所真係唔多靚,師傅仲見到地下角落有舊廁紙冇清走。電視都算大既,仲可以拉出黎,訓係床到睇得幾舒服,不過個usb port就壞鬼左。 如果呢個價錢,當時鐘咁玩,都收貨啦👍🏻 酒店名稱:Elog Inn 意樂館 地址:佐敦道22號鴻運大廈8字樓G室 入住日期:21 Mar 2017 (Mon) 房價:$204.55 房型:Double Deluxe 訂房方法:Hotelcombined -> Agoda 訂房日期:18 Mar 星期六既房價就不嬲貴過星期日既... 但同大王星期日又唔得閒喎🙈 所以我地就睇星期六d 房喇。一路由價錢排落去,就見到北角呢間,睇落好似ok, 價錢又接受到既。 一去到呢間野,見佢好似都幾大幾有規模咁,有成半棟都係佢咁,reception 個到有個common area, 有熱水煲、電腦、電視,比你食飯休息用咁。 入到房呢,就同佢網上d 圖片差唔多,不過廁所就真係窄d 喇,如果要兩個人一齊沖🙈 就會好迫喇。 師傅覺得呢到都尚算ok, 去新一區又可以周圍去食野😙😋 酒店名稱:Homy Inn 灝美連鎖式旅舍 地址:北角英皇道375號成明閣2字樓 入住日期:18 Mar 2017 (Sat) 房價:$360 房型:Standard Double 訂房方法:Hotel combined -> Agoda 訂房日期:14 Mar 星期日又同大王去sweet sweet 下,本身睇啱佐敦另一間,點知一book就打電話黎話冇,但明明隔左日睇都仲係個app到有。 雖然呢間就貴dd, 但其實都平😛,平過時鐘,但可以玩全日。d相既角度雖然影得有d 衰,但其實呢間睇落都算新同感覺乾淨。房細就係細d架喇,但企企理理,有d裝修,仲有兩枝水送,對得住個價錢啦👍🏻 位置係地鐵站一出,過條馬路就到,真係幾方便呀😛😛 酒店名稱:御瓏館 Hotel Conext 地址:佐敦彌敦道240號立信大廈F室 入住日期:12 Mar 2017 (Sun) 房價:HKD$ 256.5 房型:Double room (no window) 訂房方法:Hotel combined -> Agoda 訂房日期:10 Mar 2017 尋日同大王即興想去💏,但個時又4點幾,想hea耐d, d時間唔湯唔水咁。咁就不如開app睇下,有冇d即日都平既。咁就見到呢個Pop Inn 加埋10%, 都係$300, 同去時鐘,三個鐘差唔多價錢,但呢到就可以過埋夜。 間野係佐敦站一出個大廈到,棟大廈都有d 舊,但係間旅館既裝修就幾新淨。一入到房,其實都真係細,不過裝修新淨,廁所都唔算太細,整體算係咁啦。時鐘既價錢,可以過埋夜,師傅覺得唔錯👌🏻👍🏻 酒店名稱:珀軒旅館 Pop Inn 地址:佐敦彌敦道300號華豐大廈2樓 入住日期:1 Mar 2017 (Wed) 房價:$300 房型:標準雙人房 訂房方法:Hotelscombined -> Hotels.com 訂房日期:1 Mar |
Author:
|