好耐之前去異風情既時候,經過見到呢間陶庭, 門口寫住不設時鐘。個時都已經好好奇,但見d 訂房app book 一晚都過千銀,真係唔會捨得。最近見funnow 竟然有得時鐘咁book 就決定去試下👀🤔。 佢三個鐘要$570, 以九龍塘漫春天,異風情個d 都要$500啦,咁用埋個95折code (district2openroom) 都係$540, 價錢差不多🤔可以一探佢既神秘面紗! 去到陶庭check in 要比低$500按金,之後就自己上房。一入到房真係幾大!但師傅再望望下,發現原來佢同異風情個d 係同一間管理公司😹,裝修風格都幾相似,只不過係呢到原本唔做時鐘咁。 咁不嬲呢個集團都唔差,間房好大,裝修幾靚,張床又大,電腦都幾好,係好似冇動作片睇,廁所入面有按摩浴缸同蒸氣淋浴間。夠鐘就自己走,冇催鐘,不過你有$500按金係佢到嘛。講真師傅覺得冇乜好挑剔架喇,價錢雖然貴隔離小小,但好處係book 左先就保證有房,唔洗等。同埋如果佢本身唔做時鐘,師傅幻想呢到會乾淨d 掛🤔 起碼turnover rate 冇咁高丫。位置都非常近火車站,所以真係唔錯呀~ 房內有dom, 一枝大水送,亦有抽取式紙巾。 (新註冊funnow, 訂購日間。小休房間,活動折扣代碼輸入district2openroom, 即享95折優。記得用個code 可以平返小小呀!) 酒店名稱:陶庭酒店 地址:九龍塘羅福道10號 入住日期:21 Jun 2018 (18:00-21:00) 房價:$570 / 3hrs (新註冊funnow, 訂購日間。小休房間,活動折扣代碼輸入district2openroom, 即享95折優惠) 房型:豪華大床房 訂房方法:FunNow 訂房日期:18 Jun
0 Comments
九龍塘呢個集團既時鐘好似都去勻晒🤔 呢間之前都有考慮去,但離九龍塘站有d遠,但今次去開九龍塘就諗住試埋佢啦!係九龍塘火車站行過去都要兩三個字,去到唔洗等房,姐姐問我地要浴缸定企缸,因為唔想洗浴缸,太懶,所以都係企缸算。比$410+100按金就可以入房喇。入到房d 燈光裝修係唔錯~但就好似舊左d, 天花有d 霉,抽氣扇有積麈,不過其他就正常幾好。張床同被鋪都舒服,沖涼有按摩花灑同有蒸氣。最搞笑既係佢動作片播廣東話片👀,一開始以為係配音,睇睇下先發現係本地野,真係大開眼界😹。不過唔知佢係咪播有線d 成人台呢🤔。 夠鐘前十五分鐘有電話催房,之後出返前台拎返按金就走得。呢個集團d 時鐘師傅一向都覺得係幾好,雖然貴d (我地窮🚶🏻), 但今次房入面有唔知蚊定咩飛飛下,仲好似咬左啖😞,加上呢到好似舊過另外個幾間,所以下次都係去返之前個d算😗。走個時行返去旺角東站好似仲近dd tim~ (房內有一枝大水,兩個dom送) 酒店名稱:異國風精品酒店 地址:九龍塘雅息士道3號 入住日期:22 Apr 2018 (Sun) 房價:$410/3hr 房型:細房 (企缸) 訂房方法:Walk-in 師傅一路睇緊黎緊book 咩地方好,突然見到呢個郵輪酒店加晒服務費先$236, 真係好抵!但佢就得雙床房,不過見咁平,唔怕啦,睇下去到可唔可以拉埋張床。 book 完先望到,原來間野要4點先check 得in. 師傅就諗住搏下大霧三點幾去到,睇下有冇得check in 啦。去到reception 發現佢有個牌寫住2:00pm 可以check in... 早知就可以早d 黎啦。擺低$100按金就可以上房喇,佢比左頂樓房我地👀。(張房卡有d似土瓜灣ohotel個張,大堂d 擺設,同d staff 都幾相似,唔知係咪同一集團呢🤔) 一入到房,發現個景都幾靚!比起上次土瓜灣iclub望個景仲要遠d, 靚d, 夜景仲要望到出面著燈,真係唔錯! 不過一入到房除鞋,就發現地下好多砂石粒粒咁,好銀腳,唔知係咪冇掃地吸麈。 另外兩張床分得太開拉唔埋,電視就偏細dd啦,但可以有小小既角度調較,插到usb睇戲。廁所都比ohotel靚小小,不過我地房個廁所板就一掀'歪'晒... 房內冇樽裝水。 雖然土瓜灣冇地鐵站,出入都係靠巴士小巴,但附近都算多野食既。 最衰兩張床拉唔埋一齊,但天氣凍就攬實d 啦😚 都訓到同一張床。整體黎講有個咁既景,咁既價錢,收貨啦!如果貴d 就要考慮下喇🤔 酒店名稱:香港郵輪酒店 Cruise Hotel 地址:土瓜灣炮仗街188號 入住日期:28 Jan 2018 (Sun) 房價:$236 房型:標準雙床房 訂房方法:trip.com 訂房日期:24 Jan 早排星期日同大王去左土瓜灣既富薈酒店,其實都好早之前book定,而家睇返先發現佢寫住話book左一間客房,都唔知即係乜野😹。 去到check in, 佢比左大床房我地,仲同我地講朝早會有d 簡單既麵包咖啡早餐食,真係事前冇expect過😯(因為book個時冇寫話有早餐). 入到房,覺得個view 幾靚!又望到海,張床仲拍住窗台,好近玻璃,可以望住個海happy呀😙。 張床算大,電視又幾大下,成間房既設計都幾光猛,唔錯唔錯!廁所都唔算話係好迫個隻,企缸都叫夠兩個人一齊沖。 師傅覺得間房既夜景,冇朝早咁靚,可能係夜晚出面街唔太多燈。反而朝早可以睇到日出,靚過夜晚呀😁。 至於早餐方面,就真係得d 麵包同蛋糕,但唔洗錢包埋,都可以落去嘆杯咖啡,食返兩個包。今次呢間真係幾好呀👍🏻 (房內有兩枝免費水提供) 酒店名稱:富薈馬頭圍酒店 iclub Ma Tau Wai Hotel 地址:馬頭圍下鄉道8號 入住日期:10 Dec 2017 (Sun) 房價:$540 房型:客房 訂房方法:Booking.com 訂房日期:30 Aug 早排有網友報料,問有冇去過hotel 23, 話九龍塘好似有間新既時鐘。上網睇又冇乜資料,仲話個地址係叫金屋,可能轉左手。咁啱個日同大王諗住去九龍塘,咁就諗住試一試👀 去到個個地址,真係叫hotel 23, 入到去見到前枱枱頭有d 卡片,有d 漫x天,異x情個d 擺左係到,又見到有個xxx管理公司既logo. 睇黎係同一集團,接埋呢間黎做👀 (純屬自行猜測) 3個鐘 $330, 就一般價啦,冇特別平,入到房其實房都幾大既,d 燈呀,裝修呀都叫有d 氣氛,張床都舒服,但就短d🤔。廁所都大,但浴缸就唔係話太大,感覺似係間房有翻新,但廁所都係舊d。整體黎講都算幾舒服,都叫ok乾淨。師傅覺得呢到唔錯啦👍🏻。 房內有dom, 一枝水。 酒店名稱:Hotel 23 地址:九龍塘施他佛道23號地下 入住日期:11 Nov 2017 (Sat) 房價:$330 /3 hr 房型:/ 訂房方法:Walk-in |
Author:
|