31號喇,2016最後一發,同大王去左灣仔比華利酒店。棟大廈頭三層都係食肆,而間野呢,就係第四層。所以如果係dinner hour / lunch hour 個d 時間上去,搭lift眼望望d人都可能會有d老尷。 決定去呢間之前,本身睇相,大王仲話靚🌚 一入到房,其實都算大既,但d裝修就好八、九十年代咁既感覺,都幾有風味😂。 一開始仲驚年尾會加價,比人湯。但呢到3個鐘先$280, 其實都覺得ok既... 係舊左小小咁姐,同大王都好盡興💏 最後祝大家新年快樂💗 黎緊一年幸幸福福❣ 酒店名稱:比華利酒店 地址:灣仔駱克道175-191號京城大廈4樓 入住日期:31 Dec 2016 (Sat) 房價:$230/2hr $280/3hr 房型:/ 訂房方法:Walk-in
0 Comments
之前同大王睇親24同31號d房,全部都好貴,普通賓館都一千蚊起跳😟 可能係我地冇預早計劃掛。 咁我地就27號,最後一日紅日book左間房,$220 可以玩全日真係好抵👀 上網睇過d相,都覺得d裝修ok, 但房型就講明係mini, 咁睇相就預左細架喇。 一入到房,嗯...其實真係細既,馬桶同淋浴間係分開既,不過間房叫做有d裝修,四四正正咁。如果係情侶上去💏💏下,都覺得可以接受,不過如果係旅客,要住幾日個d, 就係係細同埋唔多方便喇。 不過呢個價錢真係冇乜野想挑剔喇,大王都話覺得呢到好過早排去個間熊貓😛 酒店名稱:蘋果酒店 地址:銅鑼灣利園山道70號鳳鳴大廈一樓 入住日期:27 Dec 2016 (Tue) 房價:$220 房型:Mini Apple Room (1 Double Bed) 訂房方法:Hotelcombined -> Agoda 訂房日期:24 Dec 201 深水埗其實都好似好多房,我地就求其試左一間。兩個鐘$140, 大王話三個鐘,咁就$210. 入到房都正正常常咁啦,就冇話好靚既裝修架喇。 不過毛巾個d, 感覺就唔係話好乾淨咁😛,冷氣夠涼,電視正常,張床都算ok啦。呢個價錢師傅覺得算係咁啦。 酒店名稱:陽光酒店 地址:深水埗桂林街42-44號恒誠大廈2字樓A座 入住日期:22 Dec 2016 (Thu) 房價:$210/3hr (冇水,有一個dom) 房型:/ 訂房方法:Walk-in 真係好耐好耐冇同大王💏💏喇😭。因為最近大家都好忙,約左出黎之後先突然諗去邊好,咁我地就即刻開app睇有咩好去處。見到呢個熊貓旅舍book即日都係$350有找,地點係tst又好似幾方便,睇佢d圖又有d裝修咁,所以就決定試下喇。 可能我地係即日book既關係,去到reception佢地仲未有資料咁,等左一陣就帶左我地入房喇。嗯...一入到房,發現點解同d圖爭咁遠咁既🌚,其實未至於好差,但同相像有d落差咁囉🤔。廁所好細,基本上得一個身位,但電視都尚算新,床短dd但都ok, 冷氣好夠涼。但大王猛話隔音差,叫師傅唔好咁大聲,會比人聽晒😚。其實大王都要諗下點解師傅會咁大聲囉😚😚😚 如果臨時想搵地方,其實呢到都算抵既,不過師傅覺得可以再發掘下第d新地方😛 (整理返d資料先發現,原來我地book既係熊貓旅館天星碼頭館,最後入住左時尚館😯 唔怪得之同網上睇個d圖咁唔同!) 酒店名稱:熊貓旅館 地址:九龍尖沙咀彌敦道88號安樂大廈 入住日期:18 Dec 2016 (Sun) 房價:HKD$342 房型:Double Room 訂房方法:hotelcombined -> Agoda 訂房日期:18 Dec 2016 今次又係九龍塘試新野,一入到去d裝修都幾ok, 門口姐姐帶埋我地上房,一入見到間房好大,有三面鏡,張床好大,終於同大王都冇突隻腳出去😚 呢間既裝修係好舊既酒店裝修,雖然係舊d, 但感覺都幾grand同埋都幾ok. 房入面有杜記dom一個,冇枝裝水。不過如果房價平d會好d囉😛 酒店名稱:根德小築 地址:九龍塘根德道20號 入住日期:5 Dec 2016 房價:$422 /3hr 房型:/ 訂房方法:Walk-in |
Author:
|