今次去左旺角簡悅,短時間內第二次去簡悅,並唔係師傅收左錢代言,而係佢真係比較平🤔 係hotelscombined tick 3星以上,由價錢低至高咁sort, 就出左旺角簡悅,所以一於再去試下。 去到教發現原來呢個位置係之前一間叫pop hotel, 估計又係簡悅收購左佢🤔🤔 去到check in, 唔洗按金就上得房,雖然都係叫簡悅,但房入面既裝修風格同上次去銅鑼灣個間完全唔同,呢間就舊小小,但間房就相對大dd, 一般酒店既設施,雪櫃,夾萬,書枱,佢都有提供到既。廁所淋浴位都叫夠兩個人既。電視就舊款d, 雖然有usb port 位,但就播唔到片💁🏻。冷氣,床舖都正常,係房真係舊d, 見個夾萬上面好似有d 塵咁。 位置黎講都算方便架,行過一兩條街就朗豪坊,附近都叫有d野食下。不過呢,又係同d 搵食姐姐好近,所以最好就唔好夜麻麻自己一個行喇。 性價比真係算唔錯,但電視冇得睇usb, 師傅下次都係再去第到👻 房內有兩枝細水,亦有抽取式紙巾。 酒店名稱:簡悅酒店(香港旺角店)(Minimal Hotel Bazaar) 地址:旺角廣東道950號 入住日期:24 Jun 2018 (Sun) 房價:$248 房型:高級雙人間 訂房方法:Hotelscombined -> trip.com 訂房日期:20 Jun
0 Comments
啱啱個星期六用FunNow訂左MK 酒店,見佢豪華房同精緻房爭$50, 所以就比多小小試豪華房(用district2openroom 優惠碼有95折嘛)。平時出面d 酒店旅館星期六通常會貴d, 今次見呢間好似都係同平日一樣價就去試下。
用FunNow 訂完之後,去到reception 比身份證佢,要再比埋app 個預約編號佢對下,比埋$500按金就可以上房喇。上到房都真係細,睇唔出有幾豪華,如果你以去酒店既心情期待呢一間野既話呢,應該係會有d 失望。但睇返個價錢,如果你當佢係d 高級d 既'賓館', 咁就會好好多喇。 房入面都叫有d 裝修既,風筒拖鞋廁紙都有提供,電視就係普通size, 一般般,不過都可以插usb既。 張床長短就爭d, 但都叫夠闊。 冷氣亦都夠涼。唯一就係佢個廁所,用儲水式電熱水爐,又係沖涼前要開爐煲水個隻,同埋廁所有小小味,師傅估計應該係條渠谷左d 味上黎。但閂埋廁所門,係房又唔好覺既。 整體黎講,你當佢係時鐘,除返開都係$50零蚊個鐘,地點方便,都叫乾淨同企理。最好既係佢可以11:00就check in, 唔洗好似平時d 酒店賓館咁要等到2:00pm. 如果撞啱放假,夜晚又有街去有野做,咁呢個11-6都係一個ok既選擇黎🤔! (而家首次下載註冊FunNow, 訂購香港日間小休房間,輸入 'district2openroom' 優惠碼,可享有95折呀,快d 睇下有冇啱心水啦~) 酒店名稱:香港 MK 酒店 地址:旺角長沙街11號 入住日期:12 May 2018 (Sat) 房價:$370 / 7hr (11:00-18:00) 房型:豪華大床房 訂房方法:FunNow 訂房日期:6 May 某一日既星期六,因為冇預早好多book, 所以想搵平既,都冇乜太多選擇,唯獨係永安app見到呢間,一開始見佢全棟,以為係真係酒店個d. 去到check in, 個counter 係地my,對住街,個阿姨又好似搵唔到我地book房資料,之後搞左一陣就同我地講,er,未知執好房未,你地自己上去睇下啦。師傅當時心諗...🙄 一上到房,個房d裝修做得都幾差,d裝修好似勁求其都收貨咁。個廁所又係有d 恐怖咁啦,叫做有張床,有電視咁囉,未至於接受唔到要即刻走,但下次會揀過第二間😉 酒店名稱:香港漢口酒店旺角地鐵站店 地址:旺角黑布街92號全座 入住日期:17 Jun 2017 (Sat) 房價:$306 房型:標準大床房 訂房方法:永安app 訂房日期:12 Jun 今次book 得好倉促,又星期六喎,所以見到twin bed 都照book, 諗住去到拍埋兩張床算。佢個位置都算方便,係朗豪坊後兩條街,但個入口我地都搵左一陣,因為個樓梯口係寫住另一間酒店名(原來係佢對面間酒店大大隻字貼左係樓梯口)。呢間酒店講明係self check in, 一早send 左email 黎,教你點入password,入大門 同房門。 上到房,發現裝修都算新,就係同之前去開d 細房差唔多囉,不過電視冷氣都正常。但張床就係梗床黎,拍唔到,好在佢中間係隙細,我地將兩張床褥每邊拉小小出黎,都成功訓埋一齊😁。 房冇水送,同埋我地個廁所個廁所蓋好似打開得唔多順利,佢會半掩,慢慢自動下降,去廁所有d 麻煩。整體黎講一般般,但星期六又冇晒平房,師傅覺得算係咁啦👀 酒店名稱:館一酒店 h.one inn 地址:旺角新填地街427號1樓 入住日期:13 May 2017 (Sat) 房價:$305.2 房型:Standard Twin 訂房方法:hotelscombined -> agoda 訂房日期:11 May 今個星期因為好遲先同大王決定搵房,又因為係星期六喎,所以都冇乜平既房。咁就勉強揀左呢間國華,本身睇相,見到d房好似好光猛,又貌似乾淨咁,再加上佢又比較平d喎,咁就揀左呢間。 位置真係幾方便,係行人專用區隔離,上到去,見到全層都係佢既,好似有好多間房咁。 入到房,我地間房冇窗,成間房好舊,d牆又污糟,不過張床叫做正正常常囉,廁所都係唔靚架喇,電視就唔算太細既。但到左夜晚,間房都幾嘈,下面唱歌d阿姐既歌聲傳晒上黎。 師傅都係話下次揀過第二間呀! 酒店名稱:國華酒店 地址:旺角西洋菜街14-24號榮華大廈10樓 入住日期:8 Apr 2017 (Sat) 房價:$364.39 房型:Standard Double 訂房方法:Hotelcombined -> Agoda 訂房日期:6 Apr |
Author:
|