7月頭見有兩日紅假,同大王北上飲飲食食,順便過一晚。對上一次返深圳book到間可以2pm check out, 覺得幾好,所以今次又搵返d可以2pm check out 既~ 今次book 左華強路既趣創酒店,係地鐵站行出黎5分鐘左右就可以去到酒店,不過佢就係係民居既中間,但趣創既外牆好colourful, 所以都好易搵。 2點幾去到check in, 唔洗按金就上得房,入到房裝修都幾新,唔係好grand 個種酒店設計,但係係幾'清新'既。張床都幾大幾舒服,張被又好夠大,唔會爭被,枕頭都舒服。冷氣夠涼,電視都大,再加上佢本身已經裝左有個唔知咩盒子,入面有d 戲可以免費睇,幾好幾好!雖然就冇衣櫃雪櫃,但係熱水煲,廁紙,紙巾都有,亦有兩枝免費樽裝水。拖鞋呢就得一對即棄,兩對重用既。洗漱用品都有提供,淋浴間都夠兩個人,熱水亦夠用。房入面呢就幾滿意!不過酒店出面既民居呀,d 路呀,就係有dd溶溶爛爛咁,叫有d 對比,但其實影響不大既。 酒店附近都有食肆,行過幾條街都好多野食,但如果你要食而家好hit 個d 呢,就要搭返地鐵去商場搵食喇。 整體黎講係滿意既,紅日假期咁既價錢,可以玩足24個鐘,師傅收貨呀! 酒店名稱:深圳趣創酒店 地址:南園街道華強南3034賽格苑1棟 入住日期:1 Jul 2018 (Sun) 房價:$339.73 房型:經濟房 訂房方法:Hotelscombined -> trip.com 訂房日期:4 Jun
0 Comments
其實都諗過呢篇應唔應該出街🤔,因為我地開房開到返大陸喇。話說應該係十一黃金周,香港d房好多都賣到好貴,連重慶大廈個d,閒閒地都要四五百蚊,真係好唔抵。師傅就試下睇深圳個d喇,有d 三四星,都係三百幾樓下有交易,所以十月一號就決定返大陸喇! 但返大陸始終唔係自己地方,決定揀d睇落好小小,感覺好似會穩陣d, 最後揀左呢間係大劇院既深圳視界風尚酒店。價錢三百幾蚊包埋早餐,睇d相 d房又好似有d特式,有d唔同裝修咁。 個日我地未到14:00就已經去到間酒店,但佢有房都照比我地check in. 上到房,覺得間房都幾大,床又大,電視又大,淋浴間都大。係個地板花左dd, 有dd舊既感覺,但師傅覺得呢個價錢都收貨啦👍🏻 房入面仲有d condom, 不過用左就要收錢既。大陸野,唔係好敢用,但見到有個叫震動套,幾得意,想像唔到會點震,有冇人用過🤔? 酒店附近有兩個大商場,kkmall, 萬象城,食野都幾方便。附近仲有書城tim, 咁樣上去兩日一夜,食下野,行下街,係房hea下,真係唔錯既~ 值得一提既係,呢間酒店check in 時間應該係14:00, check out 時間係第二日14:00. 可以玩足24小時呀👀 (房內有兩支免費水,同埋包個個自助早餐,唔太好食的😛) 酒店名稱:深圳視界風尚酒店 地址:深南東路5018號(深圳大劇院內) 入住日期:1 Oct 2017 (Sun) 房價:$373.61 房型:精致風格(無窗)[含早餐] 訂房方法:Hotelscombined -> Ctrip 訂房日期:24 Sep |
Author:
|