同大王入左元朗行下食下野,元朗都真係幾多野食下😋 夜晚食飽飯就要休息下,本身想去海景小築,點知未夠6點幾已經話冇房。 咁就行過對面棟樓去左新明苑,一開房門已經覺得有d伏,但又廢事走啦。$220/3個鐘都幾平,但d裝修都幾恐怖,好舊,完全冇美感,廁所d毛巾都係恐怖既,張床連被都冇。但係床單感覺又唔係污糟既,電視都算清,服務都正常。但係師傅就話下次都係去第間啦👻 酒店名稱:新明苑賓館 地址:元朗大棠路61-65號好景樓1字樓B 入住日期:30 Oct 2016 (Sun) 房價:$220/3hr 房型:/ 訂房方法:Walk-in
0 Comments
星期五打風,諗住星期日都係會落雨,咁就早幾日同大王book定房,不過可能有d遲,都冇乜特別平既房。周圍都要四百幾以上,見呢間有4粒星星,就book左呢間,其實都唔知係咪解四星咁既... 酒店既位置都算方便,去到check in, reception同我地講話今次升級左我地,一入到房,間房係幾大既,同埋張床都好大。不過牆身個d就有d舊,但都算ok既,廁所幾靚,同埋間房個view可以望到馬場。 其實整體都ok既,不過如果要六百幾以上,師傅我就會覺得唔抵喇😗 酒店名稱:太平洋帆船酒店 地址:灣仔摩理臣山道84-86號 入住日期:23 October 2016 (Sun) 房價:HKD$441 房型:城景房 訂房方法:Hotelcombined -> Agoda 訂房日期:19 October 大王早兩日同我講,話發現銅鑼灣都有好多時鐘酒店,咁就同大王去試下啦😽 去到呢棟鳳鳴大廈,原來係上次book過其中一間個到黎。 成棟大廈其實都有好多時鐘,咁我地就求其禁左一層,一出lift就有個阿姨問我地係咪要房,咁就冇諗咁多,跟左佢去喇。 咁就唔洗等,即刻有房既,三個鐘都係百五蚊😯,冇諗過銅鑼灣區都有咁平既。 但一入到房,就發現點解會咁平喇,成個裝修好舊,唔單止係舊,直頭係爛爛地,雖然係圓床,但成間房都溶溶爛爛咁,冷氣唔夠涼,廁所好舊好恐怖,張被仲冇被單。唯一叫好d既,就係個電視都算大囉。 仲冇一樣野!就係我地發現床頭有蟻!!下次都係去第二間喇🤐 酒店名稱:新時代時鐘酒店 地址:銅鑼灣利園山道70號鳳鳴大廈4樓 入住日期:14 October 2016 (Fri) 房價:$150/3hr 房型:/ 訂房方法:Walk-in 尋日同大王入鴨脷洲行下,食下野。原來鴨脷洲好細,大王突然慶起,話不如休息下。鴨脷洲唔知係咪淨係得紅茶館呢,咁我地就即刻開app睇下幾錢,諗住即book. 本身見到hotelcombined寫$2xx, 點知一去到比錢個頁要成$4xx, 好在師傅我裝左好多book 房app, 用wingon travel 睇,去到比錢個到$308咋。咁就慳返一舊水😚 我地兩點零就check in, 紅茶館大堂又係有好香既紅茶味,book左既係雙床房,但上到房,其實可以將兩張床褥拍埋。呢間感覺上新淨過上次紅磡個間,冷氣好夠涼,電視都算新同清。遲d開埋利東站,入黎就會比較方便d喇😗😗 酒店名稱:香港紅茶館酒店 地址:鴨脷洲大道95號 入住日期:9 Oct 2016 (Sun) 房價:HKD$308 房型:標準房 (雙床) 訂房方法:wingon travel app 訂房日期:9 Oct 今次去左九龍塘異風情呀,呢間都幾出名。我地8點幾去到,大概等左2,3個字就有房喇。 今次間房有按摩浴缸,蒸氣淋浴間,梗係同大王浸返下先啦🛁 個按摩浴缸仲有個位可以坐,等我可以服侍下小大王😚😘。 異風情既品質係唔錯,同埋如果三個鐘都係同維記差唔多價,梗係揀呢d, 起碼有個大浴缸,d裝修、用品都靚d, 新淨d👍🏻👍🏻 酒店名稱:異風情精品酒店 地址:九龍九龍塘羅福道9號 入住日期:5 Oct 2016 (Wed) 房價:$490/3hr (房內有兩個dom) 房型:大房(掛?)(有浴缸) 訂房方法:Walk in |
Author:
|