其實好耐之前已經有見過樂棧,但見佢要3pm先得check in, 所以就冇book. 點知今次鬼掩眼,book 左先醒起,係喎3點🙈。不過唔book 都book 左。 之前睇佢房d相,覺得好似叫做有d 裝修,感覺唔會太差掛。個日去到個棟大廈跟人入左去就上一樓,去到check in 要比$200按金。跟住就可以入房喇。間房都係賓館既格局啦,房入面d 裝修都算係同相相符既,不過就係舊dd囉。廁所沖涼位都叫夠兩個人企入去,但都唔算大架喇。電視冷氣都正常。師傅幾鐘意佢電視下面有插頭位,方便我地打機呀😛。房入面有多卷廁紙,不過冇枝裝水。呢間野一落街就有好多野食,同埋原來佢就係係上次去過既豪境對面,位置都算方便。 整體黎講靚就真係唔稱得上好靚架喇,但如果好似我地唔打算過夜,師傅覺得呢個價錢收貨呀。 酒店名稱:樂棧 @德利樓 地址:佐敦吳松街93-103號德利樓1字樓 入住日期:10 Jun 2018 房價:$257.05 房型:標準雙人房 訂房方法:booking.com 訂房日期:27 May
0 Comments
好耐冇出post喇🙏🏻 最近都唔知仲有咩時鐘好去🤔 師傅就睇下有冇d 酒店last min 先book, 價錢會平過時鐘👀 今次就去左呢間豪境,見佢加埋一先$263, 當你去百x 三個鐘都三舊啦🤔 book呢d仲可以幾多個鐘就幾多個鐘 (當然最遲聽朝就要check out 啦). 好似係一個唔錯既選擇。不過今次睇呢間已經冇晒大床房,得返兩床,但睇相目測可以拍埋兩張床🤔,所以決定一試! 間酒店係佐敦,一出地鐵站行幾分鐘就到,不過因為近廟街,所以都有d 姐姐係條街到,大家如果去就要小心d喇! check in 個時,唔洗按金就可以上房。一入到房都幾舊下,睇相明明唔差,但現實係同相有d 出入。最主要都係舊,不過冷氣電視都正常既,廁所都唔算好細,張床真係可以拍得埋,不過就呢間張床褥條邊都幾硬,所以訓中間既話有d '銀'住。有兩枝700ml 水送,冇抽取式紙巾,得廁所有廁紙。 如果二百零蚊當時鐘咁玩4,5,6個鐘就算係咁。不過師傅覺得可以有更好🤔 下次再試下第二d. 酒店名稱:香港豪境酒店(Goodrich Hotel) 地址:佐敦吳松街92-94號 入住日期:31 May (Tue) 房價:$263.7 房型:標準雙人房(部分無窗) 訂房方法:Hotelscombined -> trip.com 訂房日期:30 May 2018 其實好耐之前已經有想去呢間,仲要已經book 過,不過個次隔無耐打返黎,話冇晒房。今次終於試到,其實想試既原因係見佢d 相都好似幾靚,又有d 裝修咁,但都係咁既價錢,所以就想試喇😛。 間野既位置近佐敦地鐵站d, 行一陣好快就到,大廈既中低層係不同既夜總會,而上高個幾層就係呢間酒店既。上到去之後check in, 比低$100按金就可以上房喇。 講到明單人房,都唔預佢大啦。都係一開門就到床個d, 床都夠訓兩個人,電視就係普通size, 都叫有位掛衫個d 既。廁所沖涼間極細,一個人都唔知轉唔轉到身,但馬桶就正常,不過個洗手盆去水位漏水,廁所有陣廁所味定屎味。(係床個位置又聞唔到既,但入到廁所就好覺)成間房既牆身都好花好舊,天花板又發霉,抽氣扇積好大塵。如果淨係好似我地咁日頭留8,9個鐘,都勉強叫可以接受既。但要過夜既話,師傅我就唔制架喇。不過呢間野個位置都算方便,附近好多野食。但係呢到個電梯有d 恐怖,又壞壞地lift, 架lift hold 左係另一層好耐唔行,到左夜晚大廈大堂又會有好多人去夜總會,所以下次都係去第到啦👻 酒店名稱:香港潘多拉酒店 Hotel Pandora 地址:油麻地彌敦道321號 入住日期:18 Mar 2018 (Sun) 房價:$281 房型:標準單人房(無窗) [佢有寫最多入住人數係2] 訂房方法:trip.com 訂房日期:15 Mar 十一,十二月d 房價都好似開始貴返🤔 我地又冇預好早book, 所以平既都所剩無幾。本身睇相,大王覺得呢間一般般,但差唔多價既都冇乜選擇,師傅都係決定搏一搏。 去到大廈個到,完全搵唔到邊到接待,淨係見到有個電話,就試下打過去。電話個方就咁問左你dd野,就比左密碼,同講左房號,叫我地自己入去。 一入到房係幾細,但竟然有雪櫃同微波爐,真係估唔到。不過電視,冷氣都唔差,廁所都尚算可以接受,床單被鋪係唔夠雪白,不過訓完又冇身痕既。算係麻雀雖小,五臟俱全。 呢間位置近柯士甸站/佐敦站,一落樓都多串燒/雞煲個d野食,都叫做方便既。 如果大家都係求有個地方,可以一齊stay全日,師傅覺得呢個價錢,呢個質素,可以接受🙆🏻 酒店名稱:香港九龍站現代旅館(Kowloon Station Hostel) 地址:文英街9-16號,文英樓4/F, 10室 入住日期:12 Nov 2017 (Sun) 房價:$293.67 房型:標準大床房 訂房方法:Hotelscombined -> Ctrip 訂房日期:2 Nov 其實之前都有係FB d 廣告見過下呢間H36, 一直都只係知佢係時鐘,但覺得唔平,所以冇試過。早排想book房既時候,見到呢間,估唔到都有2pm-12am 咁樣可以book. 價錢都係$300有找,所以就決定試一試喇。 睇FB d 相呢,就好似幾新,同叫做四正裝修咁。去到就覺得有dd舊,牆身比較花,又有dd油甩出黎。間房都係一入房就係床,廁所比較細既個種格局,但電視算ok, 冷氣都夠涼,如果呢個價錢過埋夜,師傅收貨喇🙆🏻 酒店名稱:H36 Motel 地址:佐敦彌敦道240-252號立信大廈3樓H室(接待處@5樓F室) 入住日期:20 Aug 2017 (Sun) 房價:$284.94 房型:Double room (No window) 訂房方法:Hotelscombined -> Agoda 訂房日期:4 Aug |
Author:
|