尋日同大王入鴨脷洲行下,食下野。原來鴨脷洲好細,大王突然慶起,話不如休息下。鴨脷洲唔知係咪淨係得紅茶館呢,咁我地就即刻開app睇下幾錢,諗住即book. 本身見到hotelcombined寫$2xx, 點知一去到比錢個頁要成$4xx, 好在師傅我裝左好多book 房app, 用wingon travel 睇,去到比錢個到$308咋。咁就慳返一舊水😚 我地兩點零就check in, 紅茶館大堂又係有好香既紅茶味,book左既係雙床房,但上到房,其實可以將兩張床褥拍埋。呢間感覺上新淨過上次紅磡個間,冷氣好夠涼,電視都算新同清。遲d開埋利東站,入黎就會比較方便d喇😗😗 酒店名稱:香港紅茶館酒店 地址:鴨脷洲大道95號 入住日期:9 Oct 2016 (Sun) 房價:HKD$308 房型:標準房 (雙床) 訂房方法:wingon travel app 訂房日期:9 Oct
0 Comments
中秋翌日,同左大王去到南區田灣追月呀🌕。因為今次太遲book,又撞正三日連假,稍為平d又睇落ok既得返唔多,所以隔涉d都入香港仔行下。 酒店附近行十分鐘左右都幾多野食下,附近又有海濱公園,可以玩下蠟燭咁。 呢間酒店要4點先可以check in, 我地4點鬆d去到都有4-5個party 等緊check in, 前台其實都有成5個staff, 竟然最後我地都等左成大半粒鐘先上到房。 等check in 個時,發現酒店竟然冇wifi, 連lobby都冇!房入面冇牙刷,拖鞋,毛巾好舊,電視好舊。其實成個感覺同之前住過青衣個間好似,又係好多國內同胞咁。但大王話都尚算好過青衣個間喎。不過其實張床同被都舒服既,房望出去既view都叫有d海,都叫唔錯啦。不過如非必要,師傅我都唔會想再住一次 👻 酒店名稱:香港港灣酒店 地址:香港田灣石排灣道47號 入住日期:16 Sep 2016 (Fri) 房價:HKD $491 房型:標準房 訂房方法:Ctrip 訂房日期:10 Sep |
Author:
|