三日連假既星期日,都預左d 房會貴d 架喇。可能太遲睇... 都冇乜平房,同大王又諗住過夜喎,咪打算睇d 好d 既。見呢間$500, 又好似係正規酒店咁,咪諗住試下。 一去到棟野,個自動門唔知點解唔識開,個前台職員見到,都完全冇諗住要幫我地開門,我地好在等到有人出黎,先入到去。去到check-in, 個前台職員態度一d都唔友好,唔helpful. 上到房,一睇,嘩,同平時d三百零蚊既房差唔多咋喎。一d都唔值呢個價,個廁所都叫乾淨既...但間房既裝修真係唔值,再加上d職員咁樣,真係唔想再有下次。房內有兩枝細水,毛巾,電視都叫正常。 (不過第二朝另一個前台職員態度好好,出入又有打招呼咁,真係好大對比) 酒店名稱:城匯奧運酒店 地址:大角咀利得街36-38號 入住日期:30 Apr 2017 (Sun) 房價:$509.99 房型:經濟大床房 訂房方法:Hotelscombined -> Hotels.com 訂房日期:9 Apr
0 Comments
今個星期日去左係太子站附近既三十六酒店,酒店大堂同lift都呃得下人。一入到房好細,d裝修係好舊式個種既設計,浴室廁所電視都麻麻地,唯一好既,係張床幾夠大。但係大都唔係話特別舒服個隻,就係正正常常咁囉,不過288蚊過夜,都收貨既。大王仲話好好訓,訓得好舒服tim😚 酒店名稱:三十六酒店 地址:大角咀界限街36號 入住日期:4 Sep 2016 (Sun) 房價:HKD $288 房型:Standard Double Room 訂房方法:Hotelcombined->Hotels.com 訂房日期:30 Aug 今次又係油尖旺區呀!今次去左係大角咀既西九龍絲麗酒店,上佢官網睇話自已係一個實惠型既酒店,好似係三星級既。 今次用hotelcombined book房,佢冇得直接揀double定twin bed. 大王話唔怕喎,如果兩張床就一張用黎做愛做的事,一張用黎訓喎。 去到check in, 入到房先知係twin bed呀,不過都唔怕啦,我地兩個訓埋一張床都仲夠位。 一入房,見到好大面玻璃,可以望到街景同埋見到個天,可以由朝到黃昏再睇埋夜晚,如果大膽既情侶,仲可以對住個玻璃💏💏 今次間房,d床單、被鋪感覺有d舊,張床又係比較短dd, 會突隻腳出去,但整體上都ok既,話晒過夜都係$400咋喎,附近仲有好多食肆,肚餓落街有好多選擇。不過大王就話呢類型酒店冇動作片睇,唔緊要啦,我地自備咪得囉👅 酒店名稱:香港西九龍絲麗酒店 地址:大角咀晏架街48號 入住日期:24 Jul 2016 (Sun) 房價:50.47USD (~394HKD) 房型:double or twin deluxe 訂房方法:hotelscombined -> getaroom.com 訂房日期:17 Jul |
Author:
|