星期日諗唔到去邊就醒起好耐之前有網友推薦呢個金巴利酒店話裝修唔差,但係7pm前去先抵d $290/3個鐘。咁星期日放假就一於去試下啦。 地點係香檳大廈,搭lift 上去見到應該全層都係佢既,感覺唔太似係時鐘,似係d 比自由行住既賓館咁。去到個時阿姐執緊房,坐左一陣就入得去喇。房入面既裝修都差唔錯,感覺都幾warm, 同有d 設計咁,但其實都係有dd 舊,牆身有d 花,燈位又有d 塵咁。但其實唔太影響既。 電視都算幾大,但唔知點解冇高清睇,唔知係我地唔識禁,定真係冇🤔,動作片都欠奉。 廁所都正常,淋浴間都叫夠兩個人企。張床都唔錯,冷氣都夠涼。 夠鐘個時都冇收到電話催鐘,走個時見到姐姐執緊房(可能太忙冇催)。 整體係ok既,但要7pm 前先係$290/3個鐘,師傅覺得7點後就有dd 貴。但如果去得太多百x 覺得悶,都可以黎下呢到既👀 房內冇樽裝水送,但有一個杜記dom, 亦有抽取式紙巾提供。 酒店名稱:金巴利酒店 地址:尖沙咀金巴利道18號香檳大廈1字樓 入住日期:8 Jul 2018 (Sun) 房價:$290/3hrs 房型:/ 訂房方法:Walk-in
0 Comments
FunNow 之前都同大家介紹過,佢最近又加左d 新房落去,所以師傅又去試下🤔 (之前既優惠繼續架~ 新註冊funnow, 訂購日間。小休房間,活動折扣代碼輸入district2openroom, 即享95折優惠!) 其實師傅一直都有d 懼怕訂尖沙咀既房,因為成日驚會好似重慶大廈個d 咁,但呢間係金冠大廈,所以一於去試下! 開app揀好想要既酒店同時間之後,記得要係'特殊需求' 個一欄填返訂房人既全名,因為去到酒店佢係對名既。 我地上到去係reception 到同佢講我地經funnow 訂左房,佢check 左身份證之後就帶我地入房喇。 入到房其實都係細既個d'酒店'旅館級啦。但佢前臺,走廊個d 都叫有d 裝修,感覺算係有dd規模咁。房入面有齊電視,雪櫃,水煲,風筒,一切都係普通正常size. 不過個雪櫃裝係頂,又係怪左d 既。廁所都係唔大,但勉強夠兩個人,不過佢好似係用儲水式熱水爐,所以又爭d咁。但係床到,熄左d 房燈,淨係開床頭燈,都叫好feel dd, 又加返d分啦。另外就係佢冇提供抽取式紙巾,得裝左係廁所個卷廁紙,所以如果大家真係要去,就睇下自己帶定多d 紙巾,定係一早係廁所拎定卷廁紙出黎喇。 夠鐘就自己出返去,比返張房卡reception, 就走得喇~ 房入面有兩支500ml 水送。 師傅覺得呢d 適合d怕walk in 既朋友,男男又得,女女又得,同埋呢d大廈,人地未必知你係開房🙊。 係個app到訂好房比埋錢,上到去好快就入得。大家睇下有冇啱訂既,記得輸入優惠碼呀,95折,district2openroom,慳得一蚊得一蚊嘛😉 酒店名稱:加洲酒店 地址:尖沙咀彌敦道66號-70號金冠大廈四樓 入住日期:15 Apr 2018 (Sun) 房價:-$300/3hr- (95折後$285/3hr) [11:00-14:00] 房型:雙人房-附私人浴室 訂房方法:FunNow app 訂房日期:10 Apr 之前一直都有朋友inbox過我話尖沙咀呢間ihotel 唔錯,今次終於有機會去試下。whatsapp問左佢有冇房之後,佢叫我入數hold房,其實係有d 唔方便... 要特別行登去atm過數... 咁入左全數,send返入數紙比佢地,再係約左個時間上去就得喇。 去到棟大廈,見到個lift係有道好似防火門咁既野,拉開道門跟住入lift, 有d 似舊式工廈d鐵閘lift既概念,師傅有d 怕怕😹。 上到去就有d似係商住大廈個種🤔,推開門,同佢講入左數,對埋電話,佢就帶你入房喇。 咁去得呢d, 房當然唔會大啦,但間房都叫有dd 裝修既,廁所都係比較細d, 冇乾濕分離個種。 張床都算夠大,電視正常普通size, 有兩枝細水送,提供卷裝紙巾,不過冇廁紙桶又唔係自己全新開既。張床唔知點解個被單好縐,床上面又有一兩條毛髮,唔算太乾淨😐。到夜d 9點幾,10點d 時間,出面道大門係咁開開閂閂,個電子鎖既聲超太聲,本身師傅訓訓下,都成日比個d 聲嘈醒... 最後直到夠鐘前幾分鐘都冇人催房,咁我地夠鐘就自己走喇👀 唔知係咪因為有唔同網友介紹過,都話覺得呢間唔錯,所以本身都對佢有d 期望,但去完之後發現真係有落差。價錢又冇話特別平🤔,下次都係去第到玩👻 酒店名稱:i-Hotel 地址:彌敦道80號, 金鑾大廈3樓A室 入住日期:11 Apr 2018 (Wed) 房價:$280/3hr 房型:/ 訂房方法:Whatsapp留房 之前有朋友share左條booking.com既ref. link比我地,入住完之後會有10% refund, 所以今次就直接用booking.com book房。其實最主要都係因為見唔到其他有咩睇落又平又正既,所以揀無可揀之下,就揀左呢間睇落ok d既。 位置黎講都方便既,係尖沙咀加拿分道,附近又多野食,地點又近近地地鐵站。 一上到大廈7樓發現,嘩,隔離好多d按腳,小姐既服務,開晒門,開晒燈咁,好在係同大王一齊上去。 去到間野既門口,打電話比個人,對左d簡單資料,佢就比密碼你自己入去。 入到房,因為有兩個窗,都算光猛,同d 裝修睇落都叫ok. 張床好大,不過個電視就釘左係側邊,而唔係床尾,睇電視要側側地。廁所地下好濕,抽左成日都唔多乾,d毛巾又灰灰暗暗咁,唔太乾淨咁。張床大就大,但d床單唔知點解有d 塵,又有dd毛髮咁😵。個冷氣又唔知做乜,成日久唔久有d "咧咧" 聲,好似個冷氣就快要跌落黎咁。雖然未至於想即刻走,但整體黎講真係唔多好. 去到夜晚,又突然有人敲門,話要收錢。真係O 晒咀,朝早打電話個時咪講左credit card 扣數。敲完門話credit card 扣唔到錢,要收cash. (其實師傅覺得佢係唔想比credit card charge.) 成件事真係好off, 突然咁樣敲門😵😵😵 下次去第到玩😵👋🏻 酒店名稱:名亭賓館 地址:尖沙咀加拿分道33號發利大廈7字樓7室 入住日期:21 Jan 2018 (Sun) 房價:$352 房型:雙人間 訂房方法:Booking.com 訂房日期:16 Jan 讓大家久等喇🙇🏼 我同大王都好忙呀,所以呢排比較小出post, 但其實我地都有keep住開房,只不過係去返之前去過d地方,所以冇出post呀。 而今次呢就去左尖沙咀一間新既。自從之前試過book美麗都大廈去左重慶大廈,所以而家去尖沙咀,都會小心揀過呀。本身有網友報料話尖沙咀有間幾好,但點知我地想去個晚滿晒,咁就去左另一間。 我地去左呢間叫羅曼美酒店,近九龍公園(好似係)個附近既一條街入面。呢間我地就早一晚whatsapp留定房,本身上網見到話3個鐘$220, 但whatsapp 留房個時就話要$250, 不過都算係咁啦,決定照去試下。 Whatsapp留左房之後,佢會比個大門密碼你,咁你夠鐘就自己上去開門入房喇。仲叫你如果走個時唔見清潔姐姐,就將錢放係檯面,全自助形式。 我地準時上到去,發現佢比我地個間房門已經打開左架喇。入到去,覺得都算有dd裝修啦,床都大,但廁所都係細個種。佢床應該係兩張單人床拍埋一齊,出面d個張床有dd er er 聲。床單被鋪唔夠雪白,尚算可接受。電視細左dd, 冷氣就好似怪怪地,有吹風出黎個時幾凍,冇風吹出黎個時就焗🤔 (唔知係咪關我地唔識較個冷氣😂) $250/3個鐘送兩枝細水,係尖沙咀黎講都叫做平過百佳既,不過就要預早book定。但自助既服務都叫適合d 怕尷尬既朋友。大家可以參考下啦,不過師傅都係會想再發掘下有冇d平d架喇😛 酒店名稱:羅曼美酒店 地址:尖沙咀彌敦道83-97號華源大廈4樓A1室 入住日期:13 Sep 2017 (Wed) 房價:$250/3hr 訂房方法:Whatsapp 預訂 訂房日期:12 Sep |
Author:
|