三日連假既星期日,都預左d 房會貴d 架喇。可能太遲睇... 都冇乜平房,同大王又諗住過夜喎,咪打算睇d 好d 既。見呢間$500, 又好似係正規酒店咁,咪諗住試下。 一去到棟野,個自動門唔知點解唔識開,個前台職員見到,都完全冇諗住要幫我地開門,我地好在等到有人出黎,先入到去。去到check-in, 個前台職員態度一d都唔友好,唔helpful. 上到房,一睇,嘩,同平時d三百零蚊既房差唔多咋喎。一d都唔值呢個價,個廁所都叫乾淨既...但間房既裝修真係唔值,再加上d職員咁樣,真係唔想再有下次。房內有兩枝細水,毛巾,電視都叫正常。 (不過第二朝另一個前台職員態度好好,出入又有打招呼咁,真係好大對比) 酒店名稱:城匯奧運酒店 地址:大角咀利得街36-38號 入住日期:30 Apr 2017 (Sun) 房價:$509.99 房型:經濟大床房 訂房方法:Hotelscombined -> Hotels.com 訂房日期:9 Apr
0 Comments
復活節紅日既最後一日,同大王又預早book左地方相聚💏。 又係個d間房得張床,之後有個廁所個d. 都預左係細架喇,不過勝在間房叫有d裝修,都算唔差。廁所真係細架喇,但電視都幾ok, 有兩枝水送,地點又方便。師傅覺得算係咁啦👀 酒店名稱:香港銅鑼灣星河酒店 地址:銅鑼灣京士頓街2-4號京士頓大廈B座6樓2室 入住日期:17 Apr 2017 (Mon) 房價:$318.5 房型:經典雙人床客房 訂房方法:Hotelscombined 訂房日期:9 Apr 今日同大王出出下街想去休息下,即刻開app 睇,都冇乜特別平又睇落ok 個d, 平均都要$3xx, 咁就咁啱見到呢個加埋一先$405. 雖然遠小小,但話晒都正規酒店,咁就同大王即刻搭地鐵過去喇。呢間其實之前去西環個時,都有見過呢間,睇佢出面同d 裝修就感覺好似有d 舊咁。 但入到房發現,其實唔錯喎!又叫做望到小小海,房內裝修又幾grand. 廁所就迫小小,不過有浴缸,同埋洗手盆就分開,係廁所門出面。房入面仲有兩枝水,個電視都算係咁。如果以星期六,又連假,咁既價錢有咁既質素,真係唔錯呀 👍🏻 酒店名稱:香港華麗海港酒店 (Best Western Hotel Harbour View) 地址:皇后大道西239號 入住日期:15 Apr 2017 (Sat) 房價:$405 房型:高層山景客房 訂房方法:Ctrip 訂房日期:15 Apr 其實呢棟大廈都有好多間時鐘,今次就試下呢間叫蜜月既。可能因為平日既關係,所以間野都冇乜人。一去到就有房喇,入到房都幾大,三個鐘都係$150, 有套不過冇水。張床都ok大,不過大王嫌唔夠舒服,電視都正常,廁所都算乾淨,係個假天花爭小小。不過咁既價錢,大王同師傅都覺得今次呢間可以encore呀👍🏻 酒店名稱:蜜月時租酒店 地址:銅鑼灣利園山道70號鳳鳴大廈4字樓G室及H室 入住日期:12 Apr 2017 (Wed) 房價:$150 / 3hr 房型:/ 訂房方法:Walk-in 今個星期因為好遲先同大王決定搵房,又因為係星期六喎,所以都冇乜平既房。咁就勉強揀左呢間國華,本身睇相,見到d房好似好光猛,又貌似乾淨咁,再加上佢又比較平d喎,咁就揀左呢間。 位置真係幾方便,係行人專用區隔離,上到去,見到全層都係佢既,好似有好多間房咁。 入到房,我地間房冇窗,成間房好舊,d牆又污糟,不過張床叫做正正常常囉,廁所都係唔靚架喇,電視就唔算太細既。但到左夜晚,間房都幾嘈,下面唱歌d阿姐既歌聲傳晒上黎。 師傅都係話下次揀過第二間呀! 酒店名稱:國華酒店 地址:旺角西洋菜街14-24號榮華大廈10樓 入住日期:8 Apr 2017 (Sat) 房價:$364.39 房型:Standard Double 訂房方法:Hotelcombined -> Agoda 訂房日期:6 Apr |
Author:
|