其實意樂館之前去過一次,都覺得尚算ok, 今次見到呢間意樂館 - 薈 就諗住再試下。一出到地鐵站行過去先醒起,咦...咪又係上次個棟?不過今次就係有前台check in, 我地記得上次係就咁係走廊拎卡,就入得房。 經過上星期既恐怖經歷,今次入到房真係覺得天堂同地獄既分別(可能誇張左小小)。但起碼裝修新d, 床大d, 有窗光猛d. 其實間房既格局都係一張床,有個廁所,電視咁。但呢個價錢,再加上上星期既對比,師傅絕對收貨呀🙆🏻 酒店名稱:意樂館 - 薈 eLog Inn - Fest 地址:佐敦佐敦道22號鴻運大樓4字樓H室 入住日期:30 Jul 2017 (Sun) 房價:$248.67 房型:Double Bed - Private Bathroom 訂房方法:Hotelscombined -> Agoda 訂房日期:19 Jul
0 Comments
史上最恐怖呀今次真係! 本身佢寫1點pm可以check in, 我同大王就2點鐘去到,點知個reception同我地講,話要4點先可以check in, 又冇解釋點解喎,咁都諗住算啦,嘈都未必會即時有房,我地惟有再行多陣先上去。 4點鐘再上到去,佢又叫我地等多陣,話有職員會帶我地過去。佢竟然帶左我地去重慶大廈一間叫Strawberry Motel. 我同大王不嬲都會避開唔揀重慶大廈,因為覺得好唔舒服。入到房,個枕頭又黃,床單又有污漬,房又有陣味。勁唔舒服,我連個身都唔想掂到佢d 床單,留左大半個鐘真係頂唔順,寧可走都唔想留係到。我地就過返美麗都大廈攞返按金check out. 個reception 好似覺得好奇怪,我地做咩咁快check out, 我忍唔住就同佢講,我地book 既係Toronto 唔係strawberry, 我仲話間房同網上d 相完全唔一樣。reception 即刻反擊話我地尋日先book 房,因為Toronto full 晒,所以安排我地去Strawberry. 我真係忍唔住問佢一句 So? Full 晒你又賣房?Full 晒又唔同個客解釋,或者問下咁樣安排o唔ok. 最後最後我地打左上Agoda 問,可唔可以cancel booking. Agoda 話間野就唔肯退架喇,不過Agoda可以自己退比我地。真係好好👍🏻 呢間Toronto Motel Group 真係永久black list😠 酒店名稱:多倫多旅館 - 多倫多汽車旅館集團 Toronto Inn - Toronto Motel Group 地址:尖沙咀彌敦道58號美麗都大廈 入住日期:16 Jul 2017 (Sun) 房價:191.25 房型:Double Room No Window 訂房方法:Agoda 訂房日期:15 Jul l 師傅咁啱想去紅磡食野,又見到呢間OHotel 價錢ok, 加上之前有人報料話住過都ok, 所以決定親身去試下。 呢間個地址一d 都唔近鐵路站,check-in 時間係3:00, 所以行過去時其實都身水身汗。 去到check-in, 見到lobby 大堂d 告示都係簡體字多,所以應該都係接待大陸遊客居多。入到房佢比左twin bed 我地,但見個booking 本身又冇講明係double bed, 所以算啦,我地將兩張床拉埋一齊都一樣既姐。 房入面都ok, 唔會太細(比起平時住開個d), 張床都算舒服,冷氣電視正常,房都算ok乾淨。 但係夜晚落街食野個陣,下面個街市簡直係老鼠樂園,酒店既位置又淨係比較方便巴士,所以我地下次都係再試第二間😛👋🏻 酒店名稱:奧斯酒店 O' Hotel 地址:土瓜灣九龍城道42-46號 入住日期:9 Jul 2017 (Sun) 房價:$265 房型:標準房 訂房方法:Hotelscombined -> Ctrip 訂房日期:6 Jul 之前book 房既時候,久唔久都有見過呢間tst homyinn 架喇,但係多數都係得返twin bed, 今次咁啱比我見到double bed, 就一於試下。 都係廁所好細,一開房門有張床個d, 都叫企企理理,但略嫌比北角個間仲要舊dd 既感覺。 同埋佢個電視釘死左係牆,如果想自備usb 睇影片,下次要考慮第二間喇🤔🤔 酒店名稱:Homy Inn 灝美連鎖式旅舍 地址:尖沙咀漆咸道南33-35號友聯大廈6樓F室及7樓B室 入住日期:2 Jul 2017 (Sun) 房價:$232.5 房型:Standard Double Bed Room 訂房方法:Hotelscombined -> Agoda 訂房日期:29 Jun |
Author:
|