呢排好似好小去新既時鐘呀,今次就去左油麻地既寶翠賓館,地點係油麻地地鐵站D出口,一出就係喇。呢個寶翠大廈入面有普通住宅,所以其實出入比路人撞到都唔會話太尷尬。 星期三 7點幾去到已經要等位,等左幾個字就有房喇。雖然已經係門口等緊,但姐姐都有抹埋地先比間房我地,都算唔錯呀👍🏻。 房既裝修唔算話好靚,但都算新淨,電視都ok, 唔會太細,同埋呢d 小型賓館都有一台成人台,算係咁。 廁所就細dd, 兩個人用會迫d 呀。毛巾睇落都白淨既,不過其實我地都係自備多😛。 房內有暖爐好貼心👍🏻 仲有兩個dom, 兩支細水,抽取式紙巾,真係需要既,佢都有提供到。 如果唔追求浪漫情調房,只係想有個地方短聚下,呢到唔錯呀! 酒店名稱:寶翠賓館 地址:窩打老道40號寶翠大廈8字樓1室 入住日期:31 Jan 2018 (Wed) 房價:$180/3hr 房型:/ 訂房方法:Walk-in
0 Comments
2018年第一個post同大家黎到油麻地Hi-Inn呀。位置係廟街附近,去到個大廈上二樓接待處,check in 之後比左二十樓既房我地,師傅同大王估計可能成棟大廈有好多單位係佢地既🤔。 入到房,覺得裝修都算唔錯,有d格調咁,廁所唔算十分細個隻,都叫可以兩個人入去既。電視就一般size啦,個冷氣同床都唔差。值得讚既係房入面既叉電位直接有兩個usb位,都幾方便。 不過房入面就冇抽取式紙巾,得廁所入面先有卷廁紙,大家可能要事先準備定紙巾呀。同埋房既隔音係差d🤔,就咁訓係張床到,好似直接feel 到隔住個幅薄牆出面個個人做緊咩咁。 間野既地點都算近地鐵站,行返去彌敦道都有唔小野食。整體黎講咁既價錢算ok啦! 酒店名稱:海友酒店香港彌敦道店 Hi Inn @ Nathan Road 地址:油麻地永星里1B號2樓 入住日期:7 Jan 2018 (Sun) 房價:$280.93 房型:Stadard Double Room 訂房方法:Agoda 訂房日期:28 Dec 2017 今次同大王又係去左油麻地,因為星期六既房價不嬲都貴d, 本身係想book另一間,平dd, 但係full左。最後大王就book左呢間雖然係三人房,但睇相睇落似有d裝修既馬高旅館。 一去到呢個平安大廈,成棟大廈都有好多唔同賓館,比我既感覺就好似去左重慶大廈個d feel, 只不過係冇咁多外籍人士咁姐。 去到個旅館入到房,覺得個廁所真係恐怖,又細,地下又濕,吹左全日個廁所地下都好似唔乾咁,大王話個d應該係漬,唔係水黎😵。之後個電視又細喎,雖然未至於住唔到落去,但師傅我都係話下次去第間👻 (不過房就有提供牙刷,毛巾,沖涼液既) 酒店名稱:香港馬高旅館 地址:油麻地彌敦道385號平安大樓5字樓9號 入住日期:11 Feb 2017 (Sat) 房價:$380 房型:三人間 訂房方法:Hotelcombined -> booking.com 訂房日期:4 Feb N 讓大家久候喇🙇🏼 其實年初一已經同大王開左年😙又係去左油麻地呢棟,本身想試呢一間,但個日要夜晚11點先開市,另外4樓又full 晒,所以去返2樓,咁之前介紹過就冇出post喇。 話說之前係上網見到有網民話呢棟個三間性格比都好高,其實我地上次就去埋4樓睇,4樓好似麻麻😶。 咁今次就真係去左三樓呢個既御花園。可能因為平日啦,我地八點幾去到,唔洗等就有位喇。呢到既門面已經有d裝修,房仲係用感應卡。 一入到房見到裝修真係唔錯,有圓床,床尾對住塊鏡,沖涼既設備又唔係普通花灑。毛巾又有個膠袋包住(自我感覺良好😂)好似都叫乾乾淨淨,床頭仲有usb叉電,同埋有一枝水兩個dom送tim! 今次同大王都幾滿意呀😙😙 酒店名稱:御花園酒店 地址:油麻地碧街41-49號碧蘭大樓3字樓 入住日期:8 Feb 2017 (Wed) 房價:$280/3hr 房型:/ 訂房方法:Walk-in 上網睇到有人話油麻地地鐵站一出右手邊個棟個三間性價比高,大王梗係同師傅去試下啦😚。因為有三間,所以就是但去左中間個間,入到去等左十分鐘左右就有房,阿姨話今日就會貴小小$90一個鐘,平日就$80一個鐘。 一入到房見到,有兩張雙人床既👀 雖然裝修,被單係麻麻地架喇,但勝在地方大,廁所都唔差,仲要地點都幾就腳。如果真係時鐘咁玩,都算抵屌👍🏻(ps.有動作片,有一個dom, 但冇枝裝水) 酒店名稱:彩城賓館 地址:油麻地碧街41-49號碧蘭大樓2字樓 入住日期:4 Dec 2016 (Sun) 房價:$90/hr 房型:4人房😯 訂房方法:Walk-in |
Author:
|