星期日諗唔到去邊就醒起好耐之前有網友推薦呢個金巴利酒店話裝修唔差,但係7pm前去先抵d $290/3個鐘。咁星期日放假就一於去試下啦。 地點係香檳大廈,搭lift 上去見到應該全層都係佢既,感覺唔太似係時鐘,似係d 比自由行住既賓館咁。去到個時阿姐執緊房,坐左一陣就入得去喇。房入面既裝修都差唔錯,感覺都幾warm, 同有d 設計咁,但其實都係有dd 舊,牆身有d 花,燈位又有d 塵咁。但其實唔太影響既。 電視都算幾大,但唔知點解冇高清睇,唔知係我地唔識禁,定真係冇🤔,動作片都欠奉。 廁所都正常,淋浴間都叫夠兩個人企。張床都唔錯,冷氣都夠涼。 夠鐘個時都冇收到電話催鐘,走個時見到姐姐執緊房(可能太忙冇催)。 整體係ok既,但要7pm 前先係$290/3個鐘,師傅覺得7點後就有dd 貴。但如果去得太多百x 覺得悶,都可以黎下呢到既👀 房內冇樽裝水送,但有一個杜記dom, 亦有抽取式紙巾提供。 酒店名稱:金巴利酒店 地址:尖沙咀金巴利道18號香檳大廈1字樓 入住日期:8 Jul 2018 (Sun) 房價:$290/3hrs 房型:/ 訂房方法:Walk-in
0 Comments
今次去左旺角簡悅,短時間內第二次去簡悅,並唔係師傅收左錢代言,而係佢真係比較平🤔 係hotelscombined tick 3星以上,由價錢低至高咁sort, 就出左旺角簡悅,所以一於再去試下。 去到教發現原來呢個位置係之前一間叫pop hotel, 估計又係簡悅收購左佢🤔🤔 去到check in, 唔洗按金就上得房,雖然都係叫簡悅,但房入面既裝修風格同上次去銅鑼灣個間完全唔同,呢間就舊小小,但間房就相對大dd, 一般酒店既設施,雪櫃,夾萬,書枱,佢都有提供到既。廁所淋浴位都叫夠兩個人既。電視就舊款d, 雖然有usb port 位,但就播唔到片💁🏻。冷氣,床舖都正常,係房真係舊d, 見個夾萬上面好似有d 塵咁。 位置黎講都算方便架,行過一兩條街就朗豪坊,附近都叫有d野食下。不過呢,又係同d 搵食姐姐好近,所以最好就唔好夜麻麻自己一個行喇。 性價比真係算唔錯,但電視冇得睇usb, 師傅下次都係再去第到👻 房內有兩枝細水,亦有抽取式紙巾。 酒店名稱:簡悅酒店(香港旺角店)(Minimal Hotel Bazaar) 地址:旺角廣東道950號 入住日期:24 Jun 2018 (Sun) 房價:$248 房型:高級雙人間 訂房方法:Hotelscombined -> trip.com 訂房日期:20 Jun 好耐之前去異風情既時候,經過見到呢間陶庭, 門口寫住不設時鐘。個時都已經好好奇,但見d 訂房app book 一晚都過千銀,真係唔會捨得。最近見funnow 竟然有得時鐘咁book 就決定去試下👀🤔。 佢三個鐘要$570, 以九龍塘漫春天,異風情個d 都要$500啦,咁用埋個95折code (district2openroom) 都係$540, 價錢差不多🤔可以一探佢既神秘面紗! 去到陶庭check in 要比低$500按金,之後就自己上房。一入到房真係幾大!但師傅再望望下,發現原來佢同異風情個d 係同一間管理公司😹,裝修風格都幾相似,只不過係呢到原本唔做時鐘咁。 咁不嬲呢個集團都唔差,間房好大,裝修幾靚,張床又大,電腦都幾好,係好似冇動作片睇,廁所入面有按摩浴缸同蒸氣淋浴間。夠鐘就自己走,冇催鐘,不過你有$500按金係佢到嘛。講真師傅覺得冇乜好挑剔架喇,價錢雖然貴隔離小小,但好處係book 左先就保證有房,唔洗等。同埋如果佢本身唔做時鐘,師傅幻想呢到會乾淨d 掛🤔 起碼turnover rate 冇咁高丫。位置都非常近火車站,所以真係唔錯呀~ 房內有dom, 一枝大水送,亦有抽取式紙巾。 (新註冊funnow, 訂購日間。小休房間,活動折扣代碼輸入district2openroom, 即享95折優。記得用個code 可以平返小小呀!) 酒店名稱:陶庭酒店 地址:九龍塘羅福道10號 入住日期:21 Jun 2018 (18:00-21:00) 房價:$570 / 3hrs (新註冊funnow, 訂購日間。小休房間,活動折扣代碼輸入district2openroom, 即享95折優惠) 房型:豪華大床房 訂房方法:FunNow 訂房日期:18 Jun 其實好耐之前已經有見過樂棧,但見佢要3pm先得check in, 所以就冇book. 點知今次鬼掩眼,book 左先醒起,係喎3點🙈。不過唔book 都book 左。 之前睇佢房d相,覺得好似叫做有d 裝修,感覺唔會太差掛。個日去到個棟大廈跟人入左去就上一樓,去到check in 要比$200按金。跟住就可以入房喇。間房都係賓館既格局啦,房入面d 裝修都算係同相相符既,不過就係舊dd囉。廁所沖涼位都叫夠兩個人企入去,但都唔算大架喇。電視冷氣都正常。師傅幾鐘意佢電視下面有插頭位,方便我地打機呀😛。房入面有多卷廁紙,不過冇枝裝水。呢間野一落街就有好多野食,同埋原來佢就係係上次去過既豪境對面,位置都算方便。 整體黎講靚就真係唔稱得上好靚架喇,但如果好似我地唔打算過夜,師傅覺得呢個價錢收貨呀。 酒店名稱:樂棧 @德利樓 地址:佐敦吳松街93-103號德利樓1字樓 入住日期:10 Jun 2018 房價:$257.05 房型:標準雙人房 訂房方法:booking.com 訂房日期:27 May 好耐冇出post喇🙏🏻 最近都唔知仲有咩時鐘好去🤔 師傅就睇下有冇d 酒店last min 先book, 價錢會平過時鐘👀 今次就去左呢間豪境,見佢加埋一先$263, 當你去百x 三個鐘都三舊啦🤔 book呢d仲可以幾多個鐘就幾多個鐘 (當然最遲聽朝就要check out 啦). 好似係一個唔錯既選擇。不過今次睇呢間已經冇晒大床房,得返兩床,但睇相目測可以拍埋兩張床🤔,所以決定一試! 間酒店係佐敦,一出地鐵站行幾分鐘就到,不過因為近廟街,所以都有d 姐姐係條街到,大家如果去就要小心d喇! check in 個時,唔洗按金就可以上房。一入到房都幾舊下,睇相明明唔差,但現實係同相有d 出入。最主要都係舊,不過冷氣電視都正常既,廁所都唔算好細,張床真係可以拍得埋,不過就呢間張床褥條邊都幾硬,所以訓中間既話有d '銀'住。有兩枝700ml 水送,冇抽取式紙巾,得廁所有廁紙。 如果二百零蚊當時鐘咁玩4,5,6個鐘就算係咁。不過師傅覺得可以有更好🤔 下次再試下第二d. 酒店名稱:香港豪境酒店(Goodrich Hotel) 地址:佐敦吳松街92-94號 入住日期:31 May (Tue) 房價:$263.7 房型:標準雙人房(部分無窗) 訂房方法:Hotelscombined -> trip.com 訂房日期:30 May 2018 |
Author:
|