端午節紅日同大王出出下行街先興起不如都係搵地方抖下,即刻開app睇下有咩地方平,見到呢個銅鑼灣簡悅先$213, 真係好平!所以就即刻book左,爬龍舟過海!(幻想) 間酒店係銅鑼灣同灣仔中間,如果係紅磡搭過海巴士就非常近,行到去酒店附近先發現呢間之前都有睇過下,🤔 但個時好似係叫隆堡雅逸,唔知係咪比人收購左🤔。 入到大堂check in, 好多行李係lobby, 但好快趣就上得房,唔洗按金。不過間房應該係個日既最後一間,職員話得返兩張單人床。算啦,咁平,都冇辦法😗。 上到房,嗯,果然係好細,佢係連個洗手盆都係埋間房個到,不過細還細,都真係叫酒店既裝修既。有齊雪櫃,衣櫃個d. 冷氣夠涼,電視都算唔錯。浴室就冇乾濕分離,不過都叫夠位兩個人既。不過張床就無辦法拍埋一齊。好在師傅夠窈窕,惟有兩個親密d, 攬住訓啦。 酒店附近都多野食,生活機能算方便,咁既價錢,睇埋世界盃算唔錯啦~ 房內有抽取式紙巾,兩枝細水。 酒店名稱:簡悅酒店(香港銅鑼灣店)(Minimal Hotel Urban) 地址:灣仔摩理臣山道11號 入住日期:18 Jun 2018 (Mon) 房價:$213.34 房型:標準客房 訂房方法:Hotelscombined -> trip.com 訂房日期:18 Jun
0 Comments
話說記得好耐好耐之前好似有網友推薦過1樓既話好似叫銅鑼灣時鐘酒店,但師傅又唔係好覺眼,就諗會唔會係講緊呢間銅鑼灣賓館呢? 咁就決定今次去試下。 入到去環境已經有d陰暗,姐姐就帶我地入左一間房,um... 真係都係陰陰暗暗,裝修燈光都麻麻。廁所入面仲有道好詭異既門,唔知通去邊到😹。成間房既裝修好舊加上用白燈,d 燈又裝埋一邊,成個感覺真係麻麻。廁所馬桶沖廁個制又勁生銹,沖完個水箱又唔知做乜不斷入水唔停。個日又落雨,不斷聽到出面有滴水落鐵片既滴滴聲,冇停過。 電視有一台非常舊既歐美動作片。唯一既'好處', 就係張床褥都算舒服。執到夠鐘都冇人催房,不過都係快d 走啦🏃🏻,下次再試第二間👻。 房內有兩枝大水,兩個dom, 同有抽取式紙巾。 酒店名稱:銅鑼灣賓館 地址:銅鑼灣利園山道70號鳳鳴大廈1字樓 入住日期:13 Jun 2018 (Wed) 房價:$150/ 3hrs 房型:/ 訂房方法:Walk-in 而家下載FunNow, 註冊後預訂日間小休房間,活動折扣輸入district2openroom, 即享95折!優惠期至另行通知😁 除左尋日既半價體驗活動之外,FunNow仲提供左一個95折既折扣碼比我地區區開房既粉絲👀 所以師傅又再試一次個code work 唔work 喇! 其實之前book房上開hotelscombined 睇,都有見過呢間Pandora After 80s Hostel, 但見親佢都係碌架床位多,今次見到佢地同FunNow有合作做3個鐘既雙人房,$199 三個鐘個價好似唔錯,所以決定去試下! 不過其實都係當日下晝先決定去,所以5點零開app book。book完之後會有個兌換碼比你,呢一間呢就咁拎住個兌換碼就可以去check in 喇。 我地book 左1930-2230, 行到去大廈個到都係要跟住d 人先入到去大廈,之後搭lift 上11樓check in. 一入去check in 個個位呢,其實就係呢間hostel 既common area, 會見到有d 外國人/旅客 坐係到做自己野,真係有d 似外國d hostel😯。同前檯個個人講,我地係經FunNow 訂,show 個兌換碼比佢,就比鎖匙我地去另一層,自己入房喇。 入到房,真係要預係d 旅館既質素,都係d 比較細d 既房。廁所好細個種,兩個人一齊沖涼會超迫。床呢,就係兩張單人床拍埋一齊,不過訓係中間又唔多覺有條喇既。電視就唔大唔細咁啦。拉開窗簾見到出面既海景,不過個窗就有d濛。另外佢比既毛巾呢都真係好屋企既感覺,好似用洗衣機洗左好多次咁,大家要沖涼既話,最好自備毛巾喇。而床單呢都有d 漬咁,唔係話冇洗既,而係個種用左好耐,有d 千年污漬咁。另外房內冇抽取式紙巾,冇樽裝水,不過有廁紙,毛巾,沖涼液洗頭水。 呢到又係冇催房或者催鐘呀,夠鐘就自己去返reception 到交鎖匙。最好入房前較定鬧鐘,咁就唔怕訓過籠😜 今次既訂房流程都順暢,大家有興趣既話可以試下佢地其他酒店👀。 用app book定房,就唔洗怕去到要等房,或者冇位咁,明碼實價唔怕比人湯。 仲有大家男女,男男,女女,想搵地方休息都唔會有咩問題。 大家睇下有冇啱用啦,雖然95折好似唔係好多,但慳得一蚊得一蚊嘛😁 酒店名稱:八零後之潘多拉青年旅舍 (Pandora After 80s Hostel) 地址:銅鑼灣告士打道275號海都大廈11樓F室 入住日期:7 Feb 2018 (Wed) [1930-2230] 房價:-$199-/3hr (FunNow app中活動折扣碼輸入district2openroom, 有95折!) $190/3hr 房型:雙人房 訂房方法:FunNow 訂房日期:7 Feb [~1700] 最近有個新app - FunNow, 有得book各種吃喝玩樂既體驗,仲有得book日間小休酒店,酒店過夜服務。同佢地合作時酒店呢,好似都係d高級d, 靚d既酒店。最好既就係佢有得即時book,個app可以根據你身處既地方sort out最近你既酒店。 今次佢地就搵左師傅同大王試下呢個app, 同埋試左其中一間酒店既服務喇。 既然有呢次半價既機會,師傅梗係試下間5星級酒店啦!雖然話有得book 即時,但師傅比較鐘意有規劃d, 所以就早幾日book定喇。download 左FunNow個app, 簡單註冊之後,係app入面揀想去既酒店,日期同時間,之後就用信卡比埋錢,就可以等去酒店喇。 一去到間酒店,行入大堂,就覺得,嘩!五星級真係五星級,大堂既裝修好morden, 好有氣派。 Check in 既時候除左比身份證,仲要show一show app比左個預訂號你,再用信用卡碌$500按金,就可以上房喇。 入到房,真係覺得係高級酒店,一入玄關位就有衣櫃,茶水間。衣櫃入面有平時好小見既浴袍同熨斗。廁所都幾大,仲有浴缸,同埋d沖涼用品,針線包個d都好靚好精緻。 再行入去呢,電視同床都大,仲有辦公枱。個景雖然係街景,但係銅鑼灣鬧市,你可以係間咁靚既房入面望出去都幾正,人地好忙,你就好嘆! 五星級酒店又有浴缸,又有浴袍,個感覺真係覺得自己係到嘆世界咁。沖完涼上床訓下,張床真係好舒服,師傅同大王都訓到傻左。 今次真係一個幾高級既享受,不過呢間房個窗又係好似可以係出面望到入面,所以如果大家要做d私人d既事,記得拉窗簾。 同埋始終係銅鑼灣鬧市,係房入面會聽到小小出面街既聲,但師傅又覺得唔影響訓教既🤔 房門既隔音都好似爭小小,不過當然冇聽到d 咩怪聲啦😛。 同大王訓完呢五個鐘,7:00pm check out 再去食晚飯啱啱好呀👍🏻 房內有兩枝大水送,另外佢地唔會有催鐘或者催房。所以最好就自己較定鬧鐘先,廢事玩到唔知時間。 *今次既5折體驗唔係淨係我地有得試架,你地都有機會參與,詳情睇呢到😛😝 酒店名稱:香港柏寧酒店 The Park Lane Hong Kong 地址:銅鑼灣告士打道310號 入住日期:4 Feb 2018 (Sun) 房價:-$880- / 5hr [可選9:00-17:00 內5小時] (秘密客體驗價$440) 房型:標準房 訂房方法:FunNow 訂房日期:31 Jan 之前出過post,同棟既去過4樓既某一間,跟住有人推薦過一樓,話環境好過上次個間,仲有水送。點知...去完之後先發現,仆街,又係之前去個間黎既!人地介紹個間話叫銅鑼灣時鐘酒店,呢間叫新時代時鐘酒店,上次去覺得中伏個間原來又係新時代,不過上次係去4樓,今次係1樓。 今次1樓都係圓床,同埋裝修都係舊。但叫做好過上次4樓個次,同埋今次有水,電視好大。不過同棟同價錢有更好選擇,下次師傅真係要望清楚個名先好入去😵 酒店名稱:新時代時鐘酒店 地址:銅鑼灣利園山道70號鳳鳴大廈1字樓F及G座 入住日期:26 May 2017 (Fri) 房價:$150/3hr 房型:/ 訂房方法:Walk-in |
Author:
|