l 師傅咁啱想去紅磡食野,又見到呢間OHotel 價錢ok, 加上之前有人報料話住過都ok, 所以決定親身去試下。 呢間個地址一d 都唔近鐵路站,check-in 時間係3:00, 所以行過去時其實都身水身汗。 去到check-in, 見到lobby 大堂d 告示都係簡體字多,所以應該都係接待大陸遊客居多。入到房佢比左twin bed 我地,但見個booking 本身又冇講明係double bed, 所以算啦,我地將兩張床拉埋一齊都一樣既姐。 房入面都ok, 唔會太細(比起平時住開個d), 張床都算舒服,冷氣電視正常,房都算ok乾淨。 但係夜晚落街食野個陣,下面個街市簡直係老鼠樂園,酒店既位置又淨係比較方便巴士,所以我地下次都係再試第二間😛👋🏻 酒店名稱:奧斯酒店 O' Hotel 地址:土瓜灣九龍城道42-46號 入住日期:9 Jul 2017 (Sun) 房價:$265 房型:標準房 訂房方法:Hotelscombined -> Ctrip 訂房日期:6 Jul
0 Comments
佛誕假期,同大王又搵地方聚下,今次見到紅茶館三百蚊有找,就決定要去下紅磡既另一間。另一間對住大酒店個間其實仲平dd, 不過見呢間未去過,就一於試下呢間啦! 今次book 到三百蚊唔洗,真係覺得幾抵,因為佢仲包早餐/tea的。我地今次試左佢個tea, 有杯野飲,有熱狗、薯條,都幾唔錯,當你一個tea 賣$35, 姐係房價再減$70. 真係抵。 其實房入面就一貫紅茶館水準啦,唔敢話超乾淨,但算係咁,唔差。電視都算唔錯,冷氣都夠涼,係沖涼位置細d, 但都勉強夠我同大王兩個人💏 如果下次再見到呢個差唔多價,真係抵屌呀👍🏻 酒店名稱:紅茶館酒店- 紅磡機利士南路店 地址:紅磡機利士南路69號 入住日期:3 May 2017 (Wed) 房價:$267.81 房型:Double Standard 訂房方法:Hotelscombined -> Getaroom.com 訂房日期:23 Apr 今次又係九龍塘試新野,一入到去d裝修都幾ok, 門口姐姐帶埋我地上房,一入見到間房好大,有三面鏡,張床好大,終於同大王都冇突隻腳出去😚 呢間既裝修係好舊既酒店裝修,雖然係舊d, 但感覺都幾grand同埋都幾ok. 房入面有杜記dom一個,冇枝裝水。不過如果房價平d會好d囉😛 酒店名稱:根德小築 地址:九龍塘根德道20號 入住日期:5 Dec 2016 房價:$422 /3hr 房型:/ 訂房方法:Walk-in 又係九龍塘呀,呢排真係好忙,冇乜時間周圍去,同大王又去左九龍塘。今次又試下另一間,叫德雲小築既,可能星期三,所以都幾唔full下。 入到房都算大既,又係個被單麻麻地囉,不過張床就對住面大鏡🙈。不過電視就要打側睇,同埋好似冇動作片睇lol. 廁所就真係麻麻,未至於恐怖,但真係好唔靚下,但唔係過夜都ok啦。另外房入面好似冇dom, 連枝裝水都冇😐 整體唔會話太差,但下次都係可以再試第二間😛 酒店名稱:德雲小築 地址:九龍塘森麻實道5號1字樓及地下 入住日期:30 Nov 2016 (Wed) 房價:$331 /3hr 房型:(?)/ 訂房方法:Walk-in 星期五同大王💏💏下,咁就諗住去九龍塘,本身上網睇左有間叫羅曼酒店,話係李小龍故居,諗住去睇下。點知去到先發現執左,咁就去隔離個間名人酒店,覺得佢個燈牌好classic, 入到去唔洗等就有房。 一入到房就覺得唔值$330, $330已經可以有好d既質素,d裝修有d舊,個被單又唔靚,不過廁所都算ok既,整體未算好差,但咁既價錢可以有更好的。下次都係去試第二間😛 酒店名稱:名人酒店 地址:九龍塘金巴倫道37號地下 入住日期:25 Nov 2016 (Fri) 房價:$330/3hr 房內有一個dom 房型:二樓 訂房方法:Walk-in |
Author:
|