最近好多戲要睇,又比較忙,所以到而家先有時間報告呀。星期日同大王黎到昂坪行下,睇下大佛,寶蓮寺,心經簡林。就book左YHA住一晚,間房呢就真係得張床同冷氣。廁所就係出面,沖涼間都係共用既。比之前住過其他地方既YHA黎講,就真係簡陋d。 但係可以煮下飯仔,附近又有野行下睇下,接觸下大自然,如果放假去玩下,順便過夜,我覺得都可以接受既。如果鐘意野外,YHA都仲有露營住宿架👍🏻 酒店名稱:YHA昂坪戴維斯青年旅舍 地址:大嶼山昂坪 入住日期:13 Nov 2016 (Sun) 房價:$340 (會員價) 房型:雙人大床房 訂房方法:YHA 官網 訂房日期:20 Oct
0 Comments
同大王入左元朗行下食下野,元朗都真係幾多野食下😋 夜晚食飽飯就要休息下,本身想去海景小築,點知未夠6點幾已經話冇房。 咁就行過對面棟樓去左新明苑,一開房門已經覺得有d伏,但又廢事走啦。$220/3個鐘都幾平,但d裝修都幾恐怖,好舊,完全冇美感,廁所d毛巾都係恐怖既,張床連被都冇。但係床單感覺又唔係污糟既,電視都算清,服務都正常。但係師傅就話下次都係去第間啦👻 酒店名稱:新明苑賓館 地址:元朗大棠路61-65號好景樓1字樓B 入住日期:30 Oct 2016 (Sun) 房價:$220/3hr 房型:/ 訂房方法:Walk-in 荷李活有間大酒店🎤 呀,唔係!今次同大王去左荃灣既荷理活酒店,其實佢都係d唐樓入面。講真,唔係上網睇到有人講過下,都唔敢就咁走上去,始終唔知會唔會好似d電視劇個d咁,咁污糟咁核突架嘛。 不過呢間真係好平,140蚊兩個鐘,房入面仲有一個dom。房都叫做有d裝修,電視都大部,床就麻麻地喇,同埋感覺d被有d恐怖。不過如果你淨係上去💏💏下,咁既價錢,仲有咩好嫌呢。如果去開荃灣都可以試下呢間呀👀 酒店名稱:荷李活酒店 地址:荃灣沙咀道243-245號2字樓 入住日期:1 Oct 2016 (Sat) 房價:$140/2 hr, 加一個鐘 $60 房型:/ 訂房方法:Walk-in 今次星期六去左青逸酒店呀,不嬲星期六會貴d既,咁之前7月中個時就book定呢個星期六。但係book左之後上網睇,先發現呢間評價麻麻呀... 青衣有d格涉,附近又冇野好食喎,一去到間酒店已經覺得好大陸既感覺喇,d指示呀,單張,周圍都充斥住殘體字😲 不過好在既係我地住高層,個景觀都唔錯,望住d海,貨櫃,同埋仲望到條大橋,夜晚個時都幾靚🌉。 間房就d裝修,傢俬感覺好炸,個電視又舊,冷氣又唔涼,唯一好既就係張床,夠長同埋夠彈。大王話呢間冇下次呀👋🏻 酒店名稱:香港青逸酒店 地址:青衣路1號 入住日期:20 Aug 2016 (Sat) 房價:56.02 USD (~HKD $437) 房型:double or twin superior 訂房方法:hotelscombined -> getaroom.com 訂房日期:17 Jul |
Author:
|