祝大家兒童節快樂😁👧🏻👦🏻! 早幾日復活節長假,師傅同大王去左觀塘開房呀!觀塘區咁耐以黎都未去過,好似舊區個邊有d 時鐘,但都係未有勇氣去試,今次呢就book左4星既觀塘帝盛,放假住好小小嘛😝。 酒店座落於觀塘工業區入面,但由apm行過去都唔算話好遠,大概十分鐘內既路程啦。去到check in, 用卡hold起$500做按金就可以上房喇。酒店設施除左gym room, 仲有游池,同埋有shuttle bus 可以去尖沙咀同埋d唔知咩地方😛。 上到房覺得房既裝修幾靚,都叫望到小小海啦,成間房好光猛,廁所個弧形玻璃幾靚,淋浴間都夠兩個人既。電視幾大,個電視仲可以拉出黎小小,訓係床到睇都近d!張床都軟熟,不過唔知係咪我腰骨唔好,對我黎講張床太淋😗。 如果以4星級酒店黎講,可能間房細左小小啦,但成個裝修幾靚,乾淨,光猛,大王都話覺得好舒服。但不得不說佢地酒店既職員好有禮貌,包括前檯,房務員,真係去過咁多間覺得佢地比較有笑容,同埋會同你打招呼😯 酒店附近都有唔同野食,唔會係個d 連鎖食店,幾好幾好👍🏻 整體黎講今次真係唔錯!不過價錢就冇之前去過個d咁平,如果可以平返小小,師傅覺得可以encore呀!(房內有兩枝免費細水) 酒店名稱:香港觀塘帝盛酒店Dorsett Kwun Tong Hong Kong 地址:觀塘鴻圖道84號 入住日期:30 Mar 2018 (Fri) 房價:$713.68 房型:標準客房 訂房方法:hotelscombined -> trip.com 訂房日期:21 Jan
0 Comments
其實好耐之前已經有想去呢間,仲要已經book 過,不過個次隔無耐打返黎,話冇晒房。今次終於試到,其實想試既原因係見佢d 相都好似幾靚,又有d 裝修咁,但都係咁既價錢,所以就想試喇😛。 間野既位置近佐敦地鐵站d, 行一陣好快就到,大廈既中低層係不同既夜總會,而上高個幾層就係呢間酒店既。上到去之後check in, 比低$100按金就可以上房喇。 講到明單人房,都唔預佢大啦。都係一開門就到床個d, 床都夠訓兩個人,電視就係普通size, 都叫有位掛衫個d 既。廁所沖涼間極細,一個人都唔知轉唔轉到身,但馬桶就正常,不過個洗手盆去水位漏水,廁所有陣廁所味定屎味。(係床個位置又聞唔到既,但入到廁所就好覺)成間房既牆身都好花好舊,天花板又發霉,抽氣扇積好大塵。如果淨係好似我地咁日頭留8,9個鐘,都勉強叫可以接受既。但要過夜既話,師傅我就唔制架喇。不過呢間野個位置都算方便,附近好多野食。但係呢到個電梯有d 恐怖,又壞壞地lift, 架lift hold 左係另一層好耐唔行,到左夜晚大廈大堂又會有好多人去夜總會,所以下次都係去第到啦👻 酒店名稱:香港潘多拉酒店 Hotel Pandora 地址:油麻地彌敦道321號 入住日期:18 Mar 2018 (Sun) 房價:$281 房型:標準單人房(無窗) [佢有寫最多入住人數係2] 訂房方法:trip.com 訂房日期:15 Mar 今日新十五,祝大家元宵節快樂👫 早排睇新X期,見到帝景有做自助餐住宿套票 $888, 有一晚山景房加兩位自助晚餐,覺得好似都幾平咁,就決定去試下! 帝景要係荃灣再轉van仔入去,去到check in 話升級左海景房,可能係平日,d房唔爆啦🤔。入到房覺得都算唔錯既,床都大,d 裝修都係酒店級別啦。不過個窗望出去得小小橋景同海景,但好過冇啦😛。廁所就唔係特別大,兩個人一齊沖涼,都尚叫夠位既。不過個電視呢,唔知點解睇唔到高清台... 但明明佢有寫有81, 99台個d... 但禁極都唔識禁🌚 算啦,諗住拉個電視出黎插usb自己睇戲,點知個電視係冇usb 位的... 夜晚就落去餐廳食buffet, 食物種類好小... 感覺上小過之前去麗豪食個早餐buffet😂。但都有食飽,同埋d 野食又未至於難食既。 整體黎講今次體驗算ok 啦... 雖然d 野食麻麻同個電視冇usb 位。但酒店既位置僻d, 好似去左渡假咁,個橋景同海景其實都幾靚既。走個時仲有免費shuttle 搭返出荃灣地鐵站,不過不失啦👀 酒店名稱:帝景酒店 Royal View Hotel 地址:荃灣青山公路353號 入住日期:28 Feb 2018 (Wed) 房價:$888 (一晚酒店連雙人自助晚餐) 房型:山景房 (check in時免費升級海景房) 訂房方法:帝景酒店官網 區區開房終於係沙田插旗喇!其實沙田真係好似唔多覺有時鐘,今次就去左沙田麗豪呀。傳聞都好多人話沙田麗豪係for情侶開房,但師傅之前都有keep住望,始終覺得房價有dd 高。今次book呢個高級房,加埋一先$605咋!話說1月23收到Regal Hotel 既promo email, 話有快閃特價,入去睇見到星期六既沙田麗豪都係$605, 所以就book 黎試試喇~ (上次去左土瓜灣iclub, check in 時,個職員叫我登記做member) 沙田麗豪係城門河隔離,距離沙田站有20分鐘路程,佢提供既shuttle bus 班次好疏,所以除左搭巴士/小巴,都係散步行過去啦。 check in 個時仲無啦啦送左個mouse pad. 之後就上樓入房,雖然個景淨係望到小小個河,但間房好大,裝修好光猛!張床好大!電視都大!一切都好好,乾淨、光猛、整齊。房內有暖爐,仲有兩枝細水送。 到夜晚食飯,間酒店都附屬有好多餐廳既,但其實行出酒店,係河畔花園個到都有d 餐廳,叫有d 選擇🙆🏻。 除左間房幾好之外,原來呢個價仲包埋自助早餐!訓醒就落去食早餐,食物選擇好多!保守估計有三、四十樣野食 (感覺😌因為冇仔細數,haha). 野食就唔逐樣講喇,我地呢到集中講房👼🏻。早餐就好難話超好食,好好食咁,但整體黎講係ok既,正常味道,食得飽飽。 另外提提大家,如果係房要做d 私人野呢,就記得要拉窗簾!因為師傅發現呢到係可以望到對面房入面既人做緊咩😯。 $605 有間咁大既房,裝修又唔錯,有咁多野食既自助早餐包埋!仲要係星期六黎,好滿意呀!👍🏻 (book 個時開hotelscombined 睇,同房型未加一已經要$1033 😛😛) 酒店名稱:麗豪酒店 Regal Riverside Hotel 地址:沙田大涌橋路34-36號 入住日期:3 Feb 2018 (Sat) 房價:$605 房型:Premier Room 訂房方法:RegalHotel Promotion email link 訂房日期:24 Jan 師傅一路睇緊黎緊book 咩地方好,突然見到呢個郵輪酒店加晒服務費先$236, 真係好抵!但佢就得雙床房,不過見咁平,唔怕啦,睇下去到可唔可以拉埋張床。 book 完先望到,原來間野要4點先check 得in. 師傅就諗住搏下大霧三點幾去到,睇下有冇得check in 啦。去到reception 發現佢有個牌寫住2:00pm 可以check in... 早知就可以早d 黎啦。擺低$100按金就可以上房喇,佢比左頂樓房我地👀。(張房卡有d似土瓜灣ohotel個張,大堂d 擺設,同d staff 都幾相似,唔知係咪同一集團呢🤔) 一入到房,發現個景都幾靚!比起上次土瓜灣iclub望個景仲要遠d, 靚d, 夜景仲要望到出面著燈,真係唔錯! 不過一入到房除鞋,就發現地下好多砂石粒粒咁,好銀腳,唔知係咪冇掃地吸麈。 另外兩張床分得太開拉唔埋,電視就偏細dd啦,但可以有小小既角度調較,插到usb睇戲。廁所都比ohotel靚小小,不過我地房個廁所板就一掀'歪'晒... 房內冇樽裝水。 雖然土瓜灣冇地鐵站,出入都係靠巴士小巴,但附近都算多野食既。 最衰兩張床拉唔埋一齊,但天氣凍就攬實d 啦😚 都訓到同一張床。整體黎講有個咁既景,咁既價錢,收貨啦!如果貴d 就要考慮下喇🤔 酒店名稱:香港郵輪酒店 Cruise Hotel 地址:土瓜灣炮仗街188號 入住日期:28 Jan 2018 (Sun) 房價:$236 房型:標準雙床房 訂房方法:trip.com 訂房日期:24 Jan |
Author:
|