史上最恐怖呀今次真係! 本身佢寫1點pm可以check in, 我同大王就2點鐘去到,點知個reception同我地講,話要4點先可以check in, 又冇解釋點解喎,咁都諗住算啦,嘈都未必會即時有房,我地惟有再行多陣先上去。 4點鐘再上到去,佢又叫我地等多陣,話有職員會帶我地過去。佢竟然帶左我地去重慶大廈一間叫Strawberry Motel. 我同大王不嬲都會避開唔揀重慶大廈,因為覺得好唔舒服。入到房,個枕頭又黃,床單又有污漬,房又有陣味。勁唔舒服,我連個身都唔想掂到佢d 床單,留左大半個鐘真係頂唔順,寧可走都唔想留係到。我地就過返美麗都大廈攞返按金check out. 個reception 好似覺得好奇怪,我地做咩咁快check out, 我忍唔住就同佢講,我地book 既係Toronto 唔係strawberry, 我仲話間房同網上d 相完全唔一樣。reception 即刻反擊話我地尋日先book 房,因為Toronto full 晒,所以安排我地去Strawberry. 我真係忍唔住問佢一句 So? Full 晒你又賣房?Full 晒又唔同個客解釋,或者問下咁樣安排o唔ok. 最後最後我地打左上Agoda 問,可唔可以cancel booking. Agoda 話間野就唔肯退架喇,不過Agoda可以自己退比我地。真係好好👍🏻 呢間Toronto Motel Group 真係永久black list😠 酒店名稱:多倫多旅館 - 多倫多汽車旅館集團 Toronto Inn - Toronto Motel Group 地址:尖沙咀彌敦道58號美麗都大廈 入住日期:16 Jul 2017 (Sun) 房價:191.25 房型:Double Room No Window 訂房方法:Agoda 訂房日期:15 Jul
0 Comments
之前book 房既時候,久唔久都有見過呢間tst homyinn 架喇,但係多數都係得返twin bed, 今次咁啱比我見到double bed, 就一於試下。 都係廁所好細,一開房門有張床個d, 都叫企企理理,但略嫌比北角個間仲要舊dd 既感覺。 同埋佢個電視釘死左係牆,如果想自備usb 睇影片,下次要考慮第二間喇🤔🤔 酒店名稱:Homy Inn 灝美連鎖式旅舍 地址:尖沙咀漆咸道南33-35號友聯大廈6樓F室及7樓B室 入住日期:2 Jul 2017 (Sun) 房價:$232.5 房型:Standard Double Bed Room 訂房方法:Hotelscombined -> Agoda 訂房日期:29 Jun 真係好耐好耐冇同大王💏💏喇😭。因為最近大家都好忙,約左出黎之後先突然諗去邊好,咁我地就即刻開app睇有咩好去處。見到呢個熊貓旅舍book即日都係$350有找,地點係tst又好似幾方便,睇佢d圖又有d裝修咁,所以就決定試下喇。 可能我地係即日book既關係,去到reception佢地仲未有資料咁,等左一陣就帶左我地入房喇。嗯...一入到房,發現點解同d圖爭咁遠咁既🌚,其實未至於好差,但同相像有d落差咁囉🤔。廁所好細,基本上得一個身位,但電視都尚算新,床短dd但都ok, 冷氣好夠涼。但大王猛話隔音差,叫師傅唔好咁大聲,會比人聽晒😚。其實大王都要諗下點解師傅會咁大聲囉😚😚😚 如果臨時想搵地方,其實呢到都算抵既,不過師傅覺得可以再發掘下第d新地方😛 (整理返d資料先發現,原來我地book既係熊貓旅館天星碼頭館,最後入住左時尚館😯 唔怪得之同網上睇個d圖咁唔同!) 酒店名稱:熊貓旅館 地址:九龍尖沙咀彌敦道88號安樂大廈 入住日期:18 Dec 2016 (Sun) 房價:HKD$342 房型:Double Room 訂房方法:hotelcombined -> Agoda 訂房日期:18 Dec 2016 又係百佳呀😀,出完上次個報告之後發現,原來爭尖沙咀百佳就介紹晒,所以今次就去埋尖沙咀百佳。夜晚8點鐘上到去,都要等房,但等左10分鐘左右啦,就有房喇。估唔到尖沙咀係旺區,但咁多間百佳入面,佢最平喎😯 $300 3粒鐘。 房都係好大,電視好新,尋晚間房仲有鏡tim, 不過我同大王就發現,d愛情動作片好似同有d百佳都係一樣咁既🤔,唔知關唔關同時段事呢。 如果下次大家行開尖沙咀,又情到濃時,就上黎睇下有冇房啦😛 酒店名稱:百佳酒店 地址:尖沙咀金巴利道27至33號永利大廈1字樓24至29室 入住日期:28 Sep 2016 (Tue) 房價:$300/3hr 房型:/ 訂房方法:Walk in 第一個post 同大王去左尖沙咀維記,相信維記都好多人去過架喇。本身想同大王去百佳,平d丫嘛,但8點幾去到話要9點先有房,9點鬆d去到又話要10點先有房。最後我地去左維記呀!維記星期五晚兩個鐘$330, 我地加多個鐘,盛惠$500! 間房就唔係地毯地,我比較鍾意呢一點👍🏻 床就短dd, 我同大王隻腳都突左出去呀。床尾就對住一大面鏡,但唔知點解今次會冇支裝水。整體黎講都算係咁,大王話雖然貴dd, 但係有feel d喎,我就覺得同大王去邊都差唔多喇😽 酒店名稱:維多利亞酒店 地址:九龍尖沙咀金巴利道80號 入住日期:22 July 2016 (Fri) 房價:$500/3hr (送兩個dom) 房型:/ 訂房方法:walk in |
Author:
|