FunNow 之前都同大家介紹過,佢最近又加左d 新房落去,所以師傅又去試下🤔 (之前既優惠繼續架~ 新註冊funnow, 訂購日間。小休房間,活動折扣代碼輸入district2openroom, 即享95折優惠!) 其實師傅一直都有d 懼怕訂尖沙咀既房,因為成日驚會好似重慶大廈個d 咁,但呢間係金冠大廈,所以一於去試下! 開app揀好想要既酒店同時間之後,記得要係'特殊需求' 個一欄填返訂房人既全名,因為去到酒店佢係對名既。 我地上到去係reception 到同佢講我地經funnow 訂左房,佢check 左身份證之後就帶我地入房喇。 入到房其實都係細既個d'酒店'旅館級啦。但佢前臺,走廊個d 都叫有d 裝修,感覺算係有dd規模咁。房入面有齊電視,雪櫃,水煲,風筒,一切都係普通正常size. 不過個雪櫃裝係頂,又係怪左d 既。廁所都係唔大,但勉強夠兩個人,不過佢好似係用儲水式熱水爐,所以又爭d咁。但係床到,熄左d 房燈,淨係開床頭燈,都叫好feel dd, 又加返d分啦。另外就係佢冇提供抽取式紙巾,得裝左係廁所個卷廁紙,所以如果大家真係要去,就睇下自己帶定多d 紙巾,定係一早係廁所拎定卷廁紙出黎喇。 夠鐘就自己出返去,比返張房卡reception, 就走得喇~ 房入面有兩支500ml 水送。 師傅覺得呢d 適合d怕walk in 既朋友,男男又得,女女又得,同埋呢d大廈,人地未必知你係開房🙊。 係個app到訂好房比埋錢,上到去好快就入得。大家睇下有冇啱訂既,記得輸入優惠碼呀,95折,district2openroom,慳得一蚊得一蚊嘛😉 酒店名稱:加洲酒店 地址:尖沙咀彌敦道66號-70號金冠大廈四樓 入住日期:15 Apr 2018 (Sun) 房價:-$300/3hr- (95折後$285/3hr) [11:00-14:00] 房型:雙人房-附私人浴室 訂房方法:FunNow app 訂房日期:10 Apr
0 Comments
之前一直都有朋友inbox過我話尖沙咀呢間ihotel 唔錯,今次終於有機會去試下。whatsapp問左佢有冇房之後,佢叫我入數hold房,其實係有d 唔方便... 要特別行登去atm過數... 咁入左全數,send返入數紙比佢地,再係約左個時間上去就得喇。 去到棟大廈,見到個lift係有道好似防火門咁既野,拉開道門跟住入lift, 有d 似舊式工廈d鐵閘lift既概念,師傅有d 怕怕😹。 上到去就有d似係商住大廈個種🤔,推開門,同佢講入左數,對埋電話,佢就帶你入房喇。 咁去得呢d, 房當然唔會大啦,但間房都叫有dd 裝修既,廁所都係比較細d, 冇乾濕分離個種。 張床都算夠大,電視正常普通size, 有兩枝細水送,提供卷裝紙巾,不過冇廁紙桶又唔係自己全新開既。張床唔知點解個被單好縐,床上面又有一兩條毛髮,唔算太乾淨😐。到夜d 9點幾,10點d 時間,出面道大門係咁開開閂閂,個電子鎖既聲超太聲,本身師傅訓訓下,都成日比個d 聲嘈醒... 最後直到夠鐘前幾分鐘都冇人催房,咁我地夠鐘就自己走喇👀 唔知係咪因為有唔同網友介紹過,都話覺得呢間唔錯,所以本身都對佢有d 期望,但去完之後發現真係有落差。價錢又冇話特別平🤔,下次都係去第到玩👻 酒店名稱:i-Hotel 地址:彌敦道80號, 金鑾大廈3樓A室 入住日期:11 Apr 2018 (Wed) 房價:$280/3hr 房型:/ 訂房方法:Whatsapp留房 而家下載FunNow, 註冊後預訂日間小休房間,活動折扣輸入district2openroom, 即享95折!優惠期至另行通知😁 除左尋日既半價體驗活動之外,FunNow仲提供左一個95折既折扣碼比我地區區開房既粉絲👀 所以師傅又再試一次個code work 唔work 喇! 其實之前book房上開hotelscombined 睇,都有見過呢間Pandora After 80s Hostel, 但見親佢都係碌架床位多,今次見到佢地同FunNow有合作做3個鐘既雙人房,$199 三個鐘個價好似唔錯,所以決定去試下! 不過其實都係當日下晝先決定去,所以5點零開app book。book完之後會有個兌換碼比你,呢一間呢就咁拎住個兌換碼就可以去check in 喇。 我地book 左1930-2230, 行到去大廈個到都係要跟住d 人先入到去大廈,之後搭lift 上11樓check in. 一入去check in 個個位呢,其實就係呢間hostel 既common area, 會見到有d 外國人/旅客 坐係到做自己野,真係有d 似外國d hostel😯。同前檯個個人講,我地係經FunNow 訂,show 個兌換碼比佢,就比鎖匙我地去另一層,自己入房喇。 入到房,真係要預係d 旅館既質素,都係d 比較細d 既房。廁所好細個種,兩個人一齊沖涼會超迫。床呢,就係兩張單人床拍埋一齊,不過訓係中間又唔多覺有條喇既。電視就唔大唔細咁啦。拉開窗簾見到出面既海景,不過個窗就有d濛。另外佢比既毛巾呢都真係好屋企既感覺,好似用洗衣機洗左好多次咁,大家要沖涼既話,最好自備毛巾喇。而床單呢都有d 漬咁,唔係話冇洗既,而係個種用左好耐,有d 千年污漬咁。另外房內冇抽取式紙巾,冇樽裝水,不過有廁紙,毛巾,沖涼液洗頭水。 呢到又係冇催房或者催鐘呀,夠鐘就自己去返reception 到交鎖匙。最好入房前較定鬧鐘,咁就唔怕訓過籠😜 今次既訂房流程都順暢,大家有興趣既話可以試下佢地其他酒店👀。 用app book定房,就唔洗怕去到要等房,或者冇位咁,明碼實價唔怕比人湯。 仲有大家男女,男男,女女,想搵地方休息都唔會有咩問題。 大家睇下有冇啱用啦,雖然95折好似唔係好多,但慳得一蚊得一蚊嘛😁 酒店名稱:八零後之潘多拉青年旅舍 (Pandora After 80s Hostel) 地址:銅鑼灣告士打道275號海都大廈11樓F室 入住日期:7 Feb 2018 (Wed) [1930-2230] 房價:-$199-/3hr (FunNow app中活動折扣碼輸入district2openroom, 有95折!) $190/3hr 房型:雙人房 訂房方法:FunNow 訂房日期:7 Feb [~1700] 最近有個新app - FunNow, 有得book各種吃喝玩樂既體驗,仲有得book日間小休酒店,酒店過夜服務。同佢地合作時酒店呢,好似都係d高級d, 靚d既酒店。最好既就係佢有得即時book,個app可以根據你身處既地方sort out最近你既酒店。 今次佢地就搵左師傅同大王試下呢個app, 同埋試左其中一間酒店既服務喇。 既然有呢次半價既機會,師傅梗係試下間5星級酒店啦!雖然話有得book 即時,但師傅比較鐘意有規劃d, 所以就早幾日book定喇。download 左FunNow個app, 簡單註冊之後,係app入面揀想去既酒店,日期同時間,之後就用信卡比埋錢,就可以等去酒店喇。 一去到間酒店,行入大堂,就覺得,嘩!五星級真係五星級,大堂既裝修好morden, 好有氣派。 Check in 既時候除左比身份證,仲要show一show app比左個預訂號你,再用信用卡碌$500按金,就可以上房喇。 入到房,真係覺得係高級酒店,一入玄關位就有衣櫃,茶水間。衣櫃入面有平時好小見既浴袍同熨斗。廁所都幾大,仲有浴缸,同埋d沖涼用品,針線包個d都好靚好精緻。 再行入去呢,電視同床都大,仲有辦公枱。個景雖然係街景,但係銅鑼灣鬧市,你可以係間咁靚既房入面望出去都幾正,人地好忙,你就好嘆! 五星級酒店又有浴缸,又有浴袍,個感覺真係覺得自己係到嘆世界咁。沖完涼上床訓下,張床真係好舒服,師傅同大王都訓到傻左。 今次真係一個幾高級既享受,不過呢間房個窗又係好似可以係出面望到入面,所以如果大家要做d私人d既事,記得拉窗簾。 同埋始終係銅鑼灣鬧市,係房入面會聽到小小出面街既聲,但師傅又覺得唔影響訓教既🤔 房門既隔音都好似爭小小,不過當然冇聽到d 咩怪聲啦😛。 同大王訓完呢五個鐘,7:00pm check out 再去食晚飯啱啱好呀👍🏻 房內有兩枝大水送,另外佢地唔會有催鐘或者催房。所以最好就自己較定鬧鐘先,廢事玩到唔知時間。 *今次既5折體驗唔係淨係我地有得試架,你地都有機會參與,詳情睇呢到😛😝 酒店名稱:香港柏寧酒店 The Park Lane Hong Kong 地址:銅鑼灣告士打道310號 入住日期:4 Feb 2018 (Sun) 房價:-$880- / 5hr [可選9:00-17:00 內5小時] (秘密客體驗價$440) 房型:標準房 訂房方法:FunNow 訂房日期:31 Jan 呢排好似好小去新既時鐘呀,今次就去左油麻地既寶翠賓館,地點係油麻地地鐵站D出口,一出就係喇。呢個寶翠大廈入面有普通住宅,所以其實出入比路人撞到都唔會話太尷尬。 星期三 7點幾去到已經要等位,等左幾個字就有房喇。雖然已經係門口等緊,但姐姐都有抹埋地先比間房我地,都算唔錯呀👍🏻。 房既裝修唔算話好靚,但都算新淨,電視都ok, 唔會太細,同埋呢d 小型賓館都有一台成人台,算係咁。 廁所就細dd, 兩個人用會迫d 呀。毛巾睇落都白淨既,不過其實我地都係自備多😛。 房內有暖爐好貼心👍🏻 仲有兩個dom, 兩支細水,抽取式紙巾,真係需要既,佢都有提供到。 如果唔追求浪漫情調房,只係想有個地方短聚下,呢到唔錯呀! 酒店名稱:寶翠賓館 地址:窩打老道40號寶翠大廈8字樓1室 入住日期:31 Jan 2018 (Wed) 房價:$180/3hr 房型:/ 訂房方法:Walk-in |
Author:
|