之前一直都有朋友inbox過我話尖沙咀呢間ihotel 唔錯,今次終於有機會去試下。whatsapp問左佢有冇房之後,佢叫我入數hold房,其實係有d 唔方便... 要特別行登去atm過數... 咁入左全數,send返入數紙比佢地,再係約左個時間上去就得喇。 去到棟大廈,見到個lift係有道好似防火門咁既野,拉開道門跟住入lift, 有d 似舊式工廈d鐵閘lift既概念,師傅有d 怕怕😹。 上到去就有d似係商住大廈個種🤔,推開門,同佢講入左數,對埋電話,佢就帶你入房喇。 咁去得呢d, 房當然唔會大啦,但間房都叫有dd 裝修既,廁所都係比較細d, 冇乾濕分離個種。 張床都算夠大,電視正常普通size, 有兩枝細水送,提供卷裝紙巾,不過冇廁紙桶又唔係自己全新開既。張床唔知點解個被單好縐,床上面又有一兩條毛髮,唔算太乾淨😐。到夜d 9點幾,10點d 時間,出面道大門係咁開開閂閂,個電子鎖既聲超太聲,本身師傅訓訓下,都成日比個d 聲嘈醒... 最後直到夠鐘前幾分鐘都冇人催房,咁我地夠鐘就自己走喇👀 唔知係咪因為有唔同網友介紹過,都話覺得呢間唔錯,所以本身都對佢有d 期望,但去完之後發現真係有落差。價錢又冇話特別平🤔,下次都係去第到玩👻 酒店名稱:i-Hotel 地址:彌敦道80號, 金鑾大廈3樓A室 入住日期:11 Apr 2018 (Wed) 房價:$280/3hr 房型:/ 訂房方法:Whatsapp留房
0 Comments
Leave a Reply. |
Author:
|