啱啱個星期六用FunNow訂左MK 酒店,見佢豪華房同精緻房爭$50, 所以就比多小小試豪華房(用district2openroom 優惠碼有95折嘛)。平時出面d 酒店旅館星期六通常會貴d, 今次見呢間好似都係同平日一樣價就去試下。
用FunNow 訂完之後,去到reception 比身份證佢,要再比埋app 個預約編號佢對下,比埋$500按金就可以上房喇。上到房都真係細,睇唔出有幾豪華,如果你以去酒店既心情期待呢一間野既話呢,應該係會有d 失望。但睇返個價錢,如果你當佢係d 高級d 既'賓館', 咁就會好好多喇。 房入面都叫有d 裝修既,風筒拖鞋廁紙都有提供,電視就係普通size, 一般般,不過都可以插usb既。 張床長短就爭d, 但都叫夠闊。 冷氣亦都夠涼。唯一就係佢個廁所,用儲水式電熱水爐,又係沖涼前要開爐煲水個隻,同埋廁所有小小味,師傅估計應該係條渠谷左d 味上黎。但閂埋廁所門,係房又唔好覺既。 整體黎講,你當佢係時鐘,除返開都係$50零蚊個鐘,地點方便,都叫乾淨同企理。最好既係佢可以11:00就check in, 唔洗好似平時d 酒店賓館咁要等到2:00pm. 如果撞啱放假,夜晚又有街去有野做,咁呢個11-6都係一個ok既選擇黎🤔! (而家首次下載註冊FunNow, 訂購香港日間小休房間,輸入 'district2openroom' 優惠碼,可享有95折呀,快d 睇下有冇啱心水啦~) 酒店名稱:香港 MK 酒店 地址:旺角長沙街11號 入住日期:12 May 2018 (Sat) 房價:$370 / 7hr (11:00-18:00) 房型:豪華大床房 訂房方法:FunNow 訂房日期:6 May
0 Comments
九龍塘呢個集團既時鐘好似都去勻晒🤔 呢間之前都有考慮去,但離九龍塘站有d遠,但今次去開九龍塘就諗住試埋佢啦!係九龍塘火車站行過去都要兩三個字,去到唔洗等房,姐姐問我地要浴缸定企缸,因為唔想洗浴缸,太懶,所以都係企缸算。比$410+100按金就可以入房喇。入到房d 燈光裝修係唔錯~但就好似舊左d, 天花有d 霉,抽氣扇有積麈,不過其他就正常幾好。張床同被鋪都舒服,沖涼有按摩花灑同有蒸氣。最搞笑既係佢動作片播廣東話片👀,一開始以為係配音,睇睇下先發現係本地野,真係大開眼界😹。不過唔知佢係咪播有線d 成人台呢🤔。 夠鐘前十五分鐘有電話催房,之後出返前台拎返按金就走得。呢個集團d 時鐘師傅一向都覺得係幾好,雖然貴d (我地窮🚶🏻), 但今次房入面有唔知蚊定咩飛飛下,仲好似咬左啖😞,加上呢到好似舊過另外個幾間,所以下次都係去返之前個d算😗。走個時行返去旺角東站好似仲近dd tim~ (房內有一枝大水,兩個dom送) 酒店名稱:異國風精品酒店 地址:九龍塘雅息士道3號 入住日期:22 Apr 2018 (Sun) 房價:$410/3hr 房型:細房 (企缸) 訂房方法:Walk-in FunNow 之前都同大家介紹過,佢最近又加左d 新房落去,所以師傅又去試下🤔 (之前既優惠繼續架~ 新註冊funnow, 訂購日間。小休房間,活動折扣代碼輸入district2openroom, 即享95折優惠!) 其實師傅一直都有d 懼怕訂尖沙咀既房,因為成日驚會好似重慶大廈個d 咁,但呢間係金冠大廈,所以一於去試下! 開app揀好想要既酒店同時間之後,記得要係'特殊需求' 個一欄填返訂房人既全名,因為去到酒店佢係對名既。 我地上到去係reception 到同佢講我地經funnow 訂左房,佢check 左身份證之後就帶我地入房喇。 入到房其實都係細既個d'酒店'旅館級啦。但佢前臺,走廊個d 都叫有d 裝修,感覺算係有dd規模咁。房入面有齊電視,雪櫃,水煲,風筒,一切都係普通正常size. 不過個雪櫃裝係頂,又係怪左d 既。廁所都係唔大,但勉強夠兩個人,不過佢好似係用儲水式熱水爐,所以又爭d咁。但係床到,熄左d 房燈,淨係開床頭燈,都叫好feel dd, 又加返d分啦。另外就係佢冇提供抽取式紙巾,得裝左係廁所個卷廁紙,所以如果大家真係要去,就睇下自己帶定多d 紙巾,定係一早係廁所拎定卷廁紙出黎喇。 夠鐘就自己出返去,比返張房卡reception, 就走得喇~ 房入面有兩支500ml 水送。 師傅覺得呢d 適合d怕walk in 既朋友,男男又得,女女又得,同埋呢d大廈,人地未必知你係開房🙊。 係個app到訂好房比埋錢,上到去好快就入得。大家睇下有冇啱訂既,記得輸入優惠碼呀,95折,district2openroom,慳得一蚊得一蚊嘛😉 酒店名稱:加洲酒店 地址:尖沙咀彌敦道66號-70號金冠大廈四樓 入住日期:15 Apr 2018 (Sun) 房價:-$300/3hr- (95折後$285/3hr) [11:00-14:00] 房型:雙人房-附私人浴室 訂房方法:FunNow app 訂房日期:10 Apr 之前一直都有朋友inbox過我話尖沙咀呢間ihotel 唔錯,今次終於有機會去試下。whatsapp問左佢有冇房之後,佢叫我入數hold房,其實係有d 唔方便... 要特別行登去atm過數... 咁入左全數,send返入數紙比佢地,再係約左個時間上去就得喇。 去到棟大廈,見到個lift係有道好似防火門咁既野,拉開道門跟住入lift, 有d 似舊式工廈d鐵閘lift既概念,師傅有d 怕怕😹。 上到去就有d似係商住大廈個種🤔,推開門,同佢講入左數,對埋電話,佢就帶你入房喇。 咁去得呢d, 房當然唔會大啦,但間房都叫有dd 裝修既,廁所都係比較細d, 冇乾濕分離個種。 張床都算夠大,電視正常普通size, 有兩枝細水送,提供卷裝紙巾,不過冇廁紙桶又唔係自己全新開既。張床唔知點解個被單好縐,床上面又有一兩條毛髮,唔算太乾淨😐。到夜d 9點幾,10點d 時間,出面道大門係咁開開閂閂,個電子鎖既聲超太聲,本身師傅訓訓下,都成日比個d 聲嘈醒... 最後直到夠鐘前幾分鐘都冇人催房,咁我地夠鐘就自己走喇👀 唔知係咪因為有唔同網友介紹過,都話覺得呢間唔錯,所以本身都對佢有d 期望,但去完之後發現真係有落差。價錢又冇話特別平🤔,下次都係去第到玩👻 酒店名稱:i-Hotel 地址:彌敦道80號, 金鑾大廈3樓A室 入住日期:11 Apr 2018 (Wed) 房價:$280/3hr 房型:/ 訂房方法:Whatsapp留房 祝大家兒童節快樂😁👧🏻👦🏻! 早幾日復活節長假,師傅同大王去左觀塘開房呀!觀塘區咁耐以黎都未去過,好似舊區個邊有d 時鐘,但都係未有勇氣去試,今次呢就book左4星既觀塘帝盛,放假住好小小嘛😝。 酒店座落於觀塘工業區入面,但由apm行過去都唔算話好遠,大概十分鐘內既路程啦。去到check in, 用卡hold起$500做按金就可以上房喇。酒店設施除左gym room, 仲有游池,同埋有shuttle bus 可以去尖沙咀同埋d唔知咩地方😛。 上到房覺得房既裝修幾靚,都叫望到小小海啦,成間房好光猛,廁所個弧形玻璃幾靚,淋浴間都夠兩個人既。電視幾大,個電視仲可以拉出黎小小,訓係床到睇都近d!張床都軟熟,不過唔知係咪我腰骨唔好,對我黎講張床太淋😗。 如果以4星級酒店黎講,可能間房細左小小啦,但成個裝修幾靚,乾淨,光猛,大王都話覺得好舒服。但不得不說佢地酒店既職員好有禮貌,包括前檯,房務員,真係去過咁多間覺得佢地比較有笑容,同埋會同你打招呼😯 酒店附近都有唔同野食,唔會係個d 連鎖食店,幾好幾好👍🏻 整體黎講今次真係唔錯!不過價錢就冇之前去過個d咁平,如果可以平返小小,師傅覺得可以encore呀!(房內有兩枝免費細水) 酒店名稱:香港觀塘帝盛酒店Dorsett Kwun Tong Hong Kong 地址:觀塘鴻圖道84號 入住日期:30 Mar 2018 (Fri) 房價:$713.68 房型:標準客房 訂房方法:hotelscombined -> trip.com 訂房日期:21 Jan |
Author:
|